Mateo 3:12 - KNTP

¹² Aye uji na kya kululwilako mu kuboko kwanji, kabiji ukatokesha bulongo pa kipujilo kyanji, ne kubungizha kajo mu butala bwanji, pakuba makunzhi ukeasoka na mujilo ubula kuzhima.”

Mateo 3:12 Iomraidhean Croise

Mateo 13:30

Aki bilekai byonse bikomene pamo poso pa kimye kya kunowa. Po po nkambila ba kunowa namba, patanshi mwibibungizhe pamo bincha, mwibikase bikuta mwibisoke, pakuba kajo mwikalonge mu butala bwami.”

Mateo 13:41

Mwana Muntu ukatuma bamalaika banji, bakebipwizha pamo bintu byonse bya mu bufumu bwanji bya kwituntulako, ne bonse boba byatama,

Mateo 13:42

ne kwibataya mu kisha kya mujilo, mo mukekala kujila ne kwisuma ku meno.

Mateo 13:43

Pakuba baoloka bakasaama pamo nobe juba mu bufumu bwa Shabo, uji na matwi a kumvwa omvwe!”

Luka 3:16

Ponkapo Yoano wibakumbwile bonse amba, “Amiwa kine nemubatizha na mema, pakuba wankila bulume ubena kwiya. Mikanda ya makwabilo anji amiwa kechi nafikilamo kwiikasulula ne. Aye ukemubatizha na Mupashi Wazhila ne na mujilo.

Luka 3:17

Aye uji na kya kululwilako mu kuboko kwanji, kabiji ukatokesha bulongo pa kipujilo kyanji ne kubungizha kajo mu butala bwanji; pakuba makunzhi ukeasoka na mujilo ubula kuzhima.”

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.