Mateo 3:10 - KNTP

¹⁰ Kabiji kapasa bekakungika kala ku mizhazhi ya bichi. Onkao mambo bichi byonse bibula kupanga bipangwa byawama, bebitema ne kwibitaya mu mujilo.

Mateo 3:10 Iomraidhean Croise

Mateo 21:19

Ne pa kumona mukuyu kunsa ya jishinda, wayileko kutaana kafwako makuyu, kwajingatu mabuula onka. Wikyambijile amba, “Kechi ukapangepo kipangwa nangwa kimotu ne, myaka yonse!” Ponkapotu kichi kyaumine.

Mateo 7:19

Kichi kyonse kibula kupanga bipangwa byawama bekitema, ne kwi kyela mu mujilo.

Luka 23:31

Pano umvwe bauba bibye na kichi kya talala, leelo bakooba byepi na kichi kyauma?”

Luka 3:9

Kabiji ne pano kapasa bekakungika kala ku mizhazhi ya bichi. Onkao mambo bichi byonse bibula kupanga bipangwa byawama bebitema ne kwibitaya mu mujilo.”

Yoano 15:2

Misampi yonse iji mwi amiwa ibula kupanga bipangwa, beifumyako, ne yonse misampi ipanga bipangwa, nayo beiwamisha, pakuba amba ipange byavula.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Bahebelu 12:25

Jimukai kechi mukaane awa ubena kwimwambila ne. Mambo aba bakaine kumvwa awa wibajimwine pano pantanda kechi bapulukile ne. Kine ne atweba kechi tukapuluka nangwa pacheche ne, umvwe twamuvundamina awa witufunda uji mwiulu!

Bahebelu 6:8

Pakuba umvwe wamenesha miba ne bincha, waikala ke watu kabiji uji pepi na kufingwa, ne mpelo yanji ke kusokwa.