Mateo 28:6 - KNTP

⁶ Kechi uji muno ne. Wasanguka, monka mo a ambijile. Iyai mumone poalaajile Nkambo.

Mateo 28:6 Iomraidhean Croise

Mateo 12:40

Mambo byonka byajinga Yona moba asatu, mute ne bufuku, munda mwa jisabi jikatampe; byo akooba ne Mwana Muntu ukekala moba asatu, mute ne bufuku, munda mwa mushiji.

Mateo 16:21

Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 17:23

ne abo bakamwipaya, kabiji mu juba ja busatu ukasangulwa.” Ne abo baumvwine bingi bulanda mu michima yabo.

Mateo 17:9

Kabiji pa kwikila ku mutumba, Yesu wibakambizhizhe amba, “Kechi mubuulepo muntu nangwa umo pa kyo mwamona ne, poso Mwana Muntu akasanguke mu bafu.”

Mateo 20:19

ne kumupana ku Bangentila, kabiji ne abo nabo bakamuuba mwenga, ne kumututaula, ne kumupopa pa musalabu, kabiji mu juba ja busatu ukasangulwa.”

Mateo 27:63

“Mwane nkambo twavuluka byo a ambile awa mujimbijimbi byo akijinga mumi amba, pakupitapo moba asatu ukasanguka.

Mako 16:6

Ne aye wibambijile amba, “Kuchiina ne. Nayuka namba mubena kukeba Yesu wa ku Nazala ye bapopele. Wasanguka! Kechi uji muno ne. Talai pantu po bamulajikile!

Mako 8:31

Kabiji watatwile kwibafunjisha amba, “Kyamufwainwa Mwana Muntu kumanama byavula ne kumukana ku bakulumpe ne ku bang'anga bakatampe ne ku banembeshi ne kumwipaya, kabiji pakupita moba asatu ukasanguka.”

Luka 24:12

Pakuba Petelo waimene ne kunyemena ku kilende; wabandamine na kusumbilamo, wamwene bisapi bya linenyi pa bunke; kabiji wabwelele ku nzubo na kukumya akya kyamwekele.

Luka 24:23

kabiji byo baji kubula kutanamo mubiji wanji, baji kwiya na kwamba amba, bamona kimwesho kya bamalaika bo ba amba amba, ye mumi.

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Yoano 10:17

“Kyo bantemenwa bataata, mambo amiwa ngela mweo wami, namba, nkamutambule jibiji.

Yoano 2:19

Kumvwa Yesu amba, “Onaunai ino nzubo yazhila, bino mu moba asatu nkeishimukulula.”

Byubilo 2:24

Pakuba aye Lesa wamusangwile mu bafu byo apwishishe kumukasulula ku misongo ya lufu, mambo kechi kyakonshekele amba lufu lumulame ne.”