Mateo 28:2 - KNTP

² Kabiji ponkapo kwajinga kitentanshi kikatampe, mambo malaika wa Nkambo waikijile mwiulu kwiya na kwalumunako jibwe, waikajile ne ponka pa jibwe.

Mateo 28:2 Iomraidhean Croise

Mateo 27:60

ne kumubika monka mu kilende kyanji mwine kya katataaka, kyoasongele mu jibwe. Ne aye wa alumwijileko jibwe jikatampe ku kibelo kya kilende kabiji wafumineko.

Mateo 27:66

Kabiji ke baye ne kuya, bekilamine kilende, ne kubikako kateetesho ku jibwe, bakalama kasa baji konka.

Yoano 20:1

Kabiji pa juba jitanshi ja mulungu kasa pakifiita, Maliya wa ku Magadala wakelejile ku kilende, ne aye wamwene jibwe bejifumyako kala ku kilende.

Byubilo 16:26

Kabiji ponkapo kwaishile kitentanshi kikatampe, kyakuuba ne bitendekesho bya nzubo ya kaleya byasunkene. Ne ponkapotu binzhilo byonse byashinkukile, ne byo bebakashileko bonse byakasulukile.

Byubilo 5:19

Bino kimye kya bufuku malaika wa Nkambo washinkwile binzhilo bya kaleya, wibalupwilemo, ne kwibakambizha amba,

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.