Mateo 26:64 - KNTP

⁶⁴ Kumvwa Yesu amba, “Wafikilapotu. Nanchi nemwambila namba, palutwe mukamona Mwana Muntu kasa aikala ku kilujo kya Bulume, kasa eya mu makumbi a mwiulu.”

Mateo 26:64 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 22:44

“Nkambo waambila Nkambo yami amba, ikala ku kilujo kyami, poso mbiike balwanyi bobe munshi ya maulu obe?”

Mateo 24:30

Kabiji ponkapo kikamweka kiyukilo kya Mwana Muntu mwiulu, kabiji mikoka yonse ya pano panshi ikajila miteto, bakamumona Mwana Muntu kasa eya mu makumbi a mwiulu na bulume ne na lukumo lukatampe.

Mateo 25:31

“Mwana Muntu byo akeya mu lukumo lwanji, na bamalaika bonse pamo, ukekala pa jitanda janji ja lukumo,

Mateo 26:25

Ponkapo Yudasa, yenka aye wamusolwele, wamwambijile amba, “Lelo amiwanyi, Laabi?” Kumvwa aye amba, “Wafikilapotu.”

Mateo 27:11

Kabiji Yesu waimene ku meso a ndamakyalo; kepo ndamakyalo amwipwizhe amba, “Obewa wi mfumu wa Bayudea nyi?” Kumvwa Yesu amba, “Mwafikilapotu.”

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Mateo 8:20

Kumvwa Yesu wamwambijile amba, “Balubwala baji na mimbwa; ne bang'onyi bapita mwiulu nabo baji na binsa; pakuba Mwana Muntu kechi ujipo nangwa na pa kushakamina mutwe wanji ne.”

Mako 14:62

Kumvwa Yesu amba, “Ye amiwa bano, kabiji mukamona Mwana Muntu kasa aikala ku kuboko kwa kilujo kwa Bulume, kasa eya mu makumbi a mwiulu!”

Luka 21:27

Ponkapo bakamona Mwana Muntu kasa eya mu makumbi na bulume ne lukumo lukatampe.

Luka 22:69

Pakuba kufuma pa kino kimye Mwana Muntu ukekala ku kuboko kwa kilujo kya bulume bwa Lesa.”

Luka 22:70

Kumvwa bonse amba, “Anweba nanchi mwi Mwana Lesa nyi?” Kumvwa aye amba, “Monkamo momwa ambila yami iye.”

Yoano 18:37

Kumvwa Pilato wamwambijile amba, “Nanchi obewa wi mfumu nyi?” Kumvwa Yesu amba, “Anweba mwafikilapotu amba, ‘Wi mfumu.’ O mambo o nasemenwe, ne o naishijile pano pantanda, namba nshimune bya bukine. Ne bonse ba bukine bomvwa jiwi jami.”

Byubilo 1:11

ne kwamba amba, “Anweba bena Ngalilea, mambo ka o mwaimena na kutala mwiulu? Uno Yesu, watambulwa mwiulu kufuma kwi anweba, ukeya pamo byonkabye byo mwamumona kasa aya mwiulu.”

Loma 14:10

Mambo ka obewa, kyo uzhachisha mulongo wobe? Nangwa obewa ikika kyo usuujila mulongo wobe? Mambo atweba bonse tukemana ku kipona kya kije kya Lesa.

Tesalonika 4:16

Mambo Nkambo mwine ukekila mwiulu na mbila, na jiwi ja malaika mwine mukatampe, ne na ntolompita ya Lesa. Ne bafu ba mwi Kilishitu bakasanguka patanshi.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Lumwekesho 1:7

Talai, aye ubena kwiya na makumbi! Ne meso onse akamumona, pamo ne aba bamwashile. Ne mikoka yonse ya pano pantanda ikajila mabingo na mambo a aye. Byonkabyo, Amena!

Lumwekesho 20:11

Kabiji namwene jitanda jikatampe jitoka, ne aye waikajileepo. Jiulu ne ntanda byanyemene kilungi kyanji kabiji kechi byamwene pa kwikala ne.