Mateo 26:41 - KNTP

⁴¹ Labainga ne kulomba, kuchiina amba mwakatwela mu lweseko. Kine muchima waswa, pakuba mubiji wanekena.”

Mateo 26:41 Iomraidhean Croise

Mateo 24:42

“Onkao mambo ne anweba mulabenga ne kukenkenta mambo kechi mwayuka juba jo akeshilamo Nkambo yenu ne.

Mateo 25:13

Byonkabyo ne anweba labainga ne kukenkenta, mambo kechi mwayuka kana ng'anyi juba nangwa kimye ne.”

Mateo 26:38

Ponkapo wibambijile amba, “Muchima wami waubisha bulanda usaka ne kufwa, ikalai pano, mulabenga pamo ne amiwa.”

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Mako 14:38

“Labainga ne kulomba, kuchiina amba mwakatwela mu lweseko. Kine muchima waswa, pakuba mubiji wanekena.”

Luka 11:4

Kabiji mwitulekeleko mambo etu, mambo atweba bene twibalekela bonse betulenga mambo. Kabiji kechi mwitutwale mu lweseko ne.”

Luka 21:36

Bino jimukai anweba moba onsetu ne kulomba mukakonshe kupuluka ku byobya byonse bikafika ne kwimana ku meso a Mwana Muntu.”

Luka 22:40

Kabiji byo afikile konka wibambijile amba, “Lombainga kuchiina amba, mwakatwela mu lweseko.”

Luka 22:46

Ne aye wibambijile amba, “Mwalajila ka? Bukai lombainga kuchiina amba mwakatwela mu lweseko.”

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

1 Kolinda 10:13

Kafwako lweseko lwimufikila lo babula kumona bantu bakwabo ne. Mambo Lesa ye wakishinka kechi ukemuleka amba, mumone lweseko lwakila pa bulume bwenu ne, bino mu lweseko ukemumwena jishinda ja kupulukilamo, amba mumone mwa kwilukonshesha.

1 Kolinda 16:13

Labainga ne kukenkenta, koselai mu lwitabilo, mwikale bachinchika, kosai.

1 Kolinda 9:27

Pakuba nepumapuma pa mubiji wami ne kumuleeta mu buzha, kuchiina amba nangwa mu kya byepi, pa kusapwila ku bakwabo amiwa mwine nakalengululwa.

Ngalatiya 5:24

Kabiji abo bakwa Kilishitu Yesu bapopa kala pa musalabu buntunshi bwabo ne bya kusakasaka kwabo ne bya lwiso lwabo byonse pamo.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

1 Petelo 4:7

Kabiji mpelo ya byonse iji kwipi. Onkao mambo ikalai na michima ya kwikanya, ne kutekanya, mwikale ba milombelo.

1 Petelo 5:8

Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

Lumwekesho 16:15

“Umvwai! Amiwa mbena kwiya nobe ngivi! Watokwa awa ulaba ne kukenkenta ne kulama bivwalo byanji, kuchiina amba wakendanga bwamba, ne bantu bakamona bumvu bwanji!”

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.