Mateo 26:39 - KNTP

³⁹ Kabiji waendeleko pacheche, wakuvumene panshi na kulomba amba, “Taata, umvwe kyakonsheka kubiwa, kano katomeno kampitaile! Byonkabyo kechi kyasaka muchima wami ne, poso kyasaka muchima wenu.”

Mateo 26:39 Iomraidhean Croise

Mateo 20:22

Pakuba Yesu wamwambijile amba, “Kechi mwayuka kyo musaka ne. Mwakonsha kutoma katomeno kontoma amiwa nyi?” Ne abo bamwambijile amba, “Twakonsha.”

Mateo 24:24

Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 26:42

Wayile na kulomba jibiji amba, “Taata, umvwe kano katomeno kechi kakonsha kumpitaila ne, poso nekatome, kyaswa muchima wenu kyubiwe.”

Mako 13:22

Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa.

Luka 17:16

Ne kupona waponene ku maulu a Yesu ne kumusanchila. Uno muntu wajinga mwina Samaliya.

Yoano 11:41

Kepo bafumisheko jibwe. Ponkapo Yesu wainwine meso anji, ne kwamba amba, “Taata, nemusanchila byo mwang'umvwa.

Yoano 14:31

pakuba amiwa nguba byonka byankambizha Bataata namba, ba pano pantanda bayuke byo nebatemwa Bataata.” “Imanai, twayai tufume pano.”

Yoano 18:11

Ponkapo Yesu wamwambijile Petelo amba, “Somekai mpoko mu kikwa! Katomeno ko bampele bataata kechi nekatome nenyi?”

Yoano 5:19

Kepo Yesu ebambijile amba, “Kine, kine, nemwambila namba, aye Mwana kechi wakonsha kwiubila kintu ne, poso byonka byo amona byuba Shanji, ke pakuba byonse byo oba Shanji, byo byubapo ne Mwana pamo.

Yoano 5:30

“Amiwa kechi nakonsha kwiubila kintu nangwa pacheche ne, nchibila mambo monka monaumvwina mambo mo mwaoloka, mambo kechi nkeba kuuba mwayila muchima wami amiwa mwine ne, poso mwaswila aye wantuma.

Yoano 6:38

Mambo nafumine mwiulu, kechi mambo a kuuba kyaswa muchima wami amiwa mwine ne, poso kuuba kyaswa muchima wa kwa Aye wantuma.

Byubilo 10:25

Petelo byo atwelele, Koneleusa wamutundaijile, ne kumulambila panshi ku maulu, kamupopwele.

Filipai 2:8

Kabiji wipelwile mwine, wakookejile ne ku lufu, nalo lo lufu lwa pa musalabu.

Bahebelu 5:7

Yesu mu moba anji a bu muntu walombele milombelo ne misanshijilo na kujila kukatampe na mipolo, kwi aye wakonsheshe kumupulusha ku lufu. Kabiji aye ba mumvwine na mambo a kwakamwa Lesa kwanji.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.