Mateo 26:34 - KNTP

³⁴ Yesu wamwambijile amba, “Kine nemwambila namba, bonka buno bufuku shikombwe kasa akyangye kukookola, musakunkana jisatu.”

Mateo 26:34 Iomraidhean Croise

Mateo 26:33

Kabiji Petelo wamwambijile amba, “Bonse nangwa basakwituntula pe anweba, amiwa kechi nketuntula nangwa pacheche ne.”

Mateo 26:75

Ne Petelo wavulukile mambo a mwambijile Yesu amba, “Shikombwe kasa akyangye kukookola, usakunkana jisatu.” Ponkapo walupukile ne kujila bingi.

Mako 14:72

Ponkapotu shikombwe wakokweele ke jibiji. Ne Petelo wavulukile kyambo kya mwambijile Yesu amba, “Shikombwe kasa akyangye kukookola jibiji usakunkana jisatu.” Ne pa kwikilanguluka wajijile bingi.

Luka 22:34

Kumvwa Yesu amba, “Petelo, na kwambila namba, ja leelo shikombwe kasa akyangye kukookola usakunkana jisatu amba, kechi wangyuka ne.”

Luka 22:61

Kepo Nkambo waalulukile ne kumutala Petelo. Ne Petelo wavulukile byambo bya ambile Nkambo amba, “Ja leelo jino shikombwe kasa akyangye kukookola, usakunkana jisatu.”

Yoano 13:38

Kumvwa Yesu amba, “Kine mukangelela mweo wenu nyi? Kine, kine, nemwambila namba, Shikombwe kasa akyangye kukookola, musakunkana jisatu.”