Mateo 26:29 - KNTP

²⁹ Kabiji amiwa nemwambila namba, kechi nkatomapo jibiji bino bipangwa bya mung'anzang'anza ne, poso mu jonkaja juba jo nkatoma angi apya ne anweba monka mu bufumu bwa Bataata.”

Mateo 26:29 Iomraidhean Croise

Mateo 13:43

Pakuba baoloka bakasaama pamo nobe juba mu bufumu bwa Shabo, uji na matwi a kumvwa omvwe!”

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 18:20

Ke pakuba po bapwila pamo babiji nangwa basatu, monka mu jizhina jami, ne amiwa nji monka mukachi kabo.”

Mateo 25:34

Ponkapo Mfumu ukebambila ba ku kilujo kyanji amba iyai, anweba mwapeshiwa kwi Bataata! Swanai bufumu bo emutujila kufuma ku ntendekelo ya pano pantanda.

Mateo 26:28

mambo ano o mashi ami a lulayang'ano, aichikila bavula mu kwibalekela mambo.

Mateo 26:30

Kabiji byo baimbile lwimbo, balupukile ke baye ku Mutumba wa olivi.

Mateo 28:20

ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”

Mako 14:25

Kine amiwa nemwambila namba, kechi nkatomapo jibiji bino bipangwa bya mung'anzang'anza ne, poso mu jonkaja juba jo nkatoma angi apya mu bufumu bwa Lesa.”

Luka 12:32

Kechi mube moyo ne, anweba kajitanga kacheche, mambo kyo kyamuwamina ku muchima Shenu kya kwimupa bufumu.

Luka 15:32

Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”

Yoano 15:11

“Bino bintu nebyamba kwi anweba, namba lusekelo lwami lwikale mwi anweba, kabiji namba lusekelo lwenu lulumbuluke.

Yoano 16:22

Byonkabyo ne anweba, pano mwauba bulanda, kabiji amiwa nkemumona jibiji, ne michima yenu ikasekela, ne lusekelo lwenu kafwako ukemwangatalo ne.”

Yoano 17:13

Pakuba pano mbena kwiya kwi anweba, kabiji bino nebyamba pano pantanda namba, bekale na lusekelo lwami kasa lwafikila mu michima yabo.

Byubilo 10:41

kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Lumwekesho 14:3

Kabiji baimbilenga lwimbo mupya ku meso a jitanda, ne ku meso a aba bomi bana ne aba bakulumpe, kafwako muntu nangwa umo wakonsheshe kufunda awa lwimbo ne poso aba ba 144,000, bakujilwe pano pantanda.

Lumwekesho 7:17

mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”