Mateo 24:6 - KNTP

⁶ Kabiji byo mukomvwa makondo ne nkuwa ya makondo, kechi mukakamwe ne. Mambo bino byafwainwa kumweka, mpelo kasa ikyangye kufika.

Mateo 24:6 Iomraidhean Croise

Mateo 2:3

Ne Heloda mfumu pakumvwa, waubile kijikila, ne bonse bamu Yelusalema pamo.

Mateo 24:14

Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Mateo 26:54

Kabiji kana byonkabyo binembelo bikafika byepi, amba bino byafwainwa kumweka?”

Luka 21:19

Mukapulusha myeo yenu monka mu kutekanya kwenu.”

Luka 21:9

Kabiji byo mukomvwa makondo ne bya malwang'ano kechi mukoobe moyo ne, mambo abye bintu kyafwainwa bifike patanshi, bino mpelo kechi ikafika ponkapotu ne.”

Luka 22:37

Mambo nemwambila namba, kino kyanembwa amba, ‘Ne aye bamubajile pamo na batupondo,’ kyafwainwa kimfikile amiwa. Mambo bintu byanembejilwe amiwa byafwainwa bifikizhiwe.”

Yoano 14:1

“Michima yenu kechi ilukute ne, itabilai mwi Lesa, kabiji mwitabile ne mwi amiwa.

Yoano 14:27

“Nemushiila mutende, nemupa mutende wami. Kechi mpana byo bapana ba pano pantanda ne. Michima yenu kechi ilukute ne, nangwa kuuba moyo ne.”

2 Tesalonika 2:2

namba kechi bakemulengele kuzhinauka bukiji mu michima yenu ne kwimuubisha kijikila nangwa ku mupashi, nangwa ku byambo, nangwa ku nkalata yauba nobe yafuma kwi atweba amba, juba ja Nkambo pano jafika ne.

Lumwekesho 6:4

Ponkapo mbili mukwabo uchila, walupukile. Kabiji aye waikalapo wapeelwe luusa amba, afumye mutende pano pantanda, amba bantu beipaye bene na bene. Kabiji bamupele ne mpoko ikatampe.