Mateo 24:39 - KNTP

³⁹ nanchi kechi bayukile ne poso byo aishile muyulo, ne kwibasenda bonse shata! Byonkabyo byo bikekala ne pa kwiya Mwana Muntu.

Mateo 24:39 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 24:3

Kabiji byo aikajile pa Mutumba wa olivi, baana babwanga baishile kwi aye kumbaji amba, “Tubuulai bino bintu bikamweka ng'anyi mwaka? Kabiji ng'anyi kayukilo ka kwiya kwenu, ne ka juba jikapelaako?”

Mateo 24:30

Kabiji ponkapo kikamweka kiyukilo kya Mwana Muntu mwiulu, kabiji mikoka yonse ya pano panshi ikajila miteto, bakamumona Mwana Muntu kasa eya mu makumbi a mwiulu na bulume ne na lukumo lukatampe.

Mateo 24:37

Kabiji byonka byo kyajinga mu moba a Nowa, byo kikekala ne pa kwiya Mwana Muntu.

Mateo 24:40

Mu akya kimye kukekala baana balume babiji mu bujimi bumo; umo bakamusenda, ne mukwabo bakamusha.

Luka 19:44

baka kuponesha panshi, obewa ne baana bobe baji mukachi kobe; kabiji kechi baka kushiilapo nangwa jibwe jimo kasa jatentakana pa jikwabo ne, mambo kechi wayukile mwaka wa kupempulwa kobe ne.”

Yoano 3:20

Byonkabo bonse boba byatama bashikwa kyeya, ne kwiya ku kyeya ne, kuchiina amba byubilo byabo byakasoloka.

Byubilo 13:41

“Monai, anweba bamilengulwila! Kumyai ne konaika! Mambo amiwa mbena kwingila mwingilo mu moba enu, mwingilo ye mukabula kwitaba, nangwa umo ukemubulaye!”

Loma 1:28

Kabiji byonka byo bakaine kwikala na maana a kuyuka Lesa, Lesa naye wibapaine ku muchima wa bubi, bobenga byo babula kufwainwa kuuba.

2 Petelo 3:5

Mambo bekivulama kino amba, kufuma ne kukala kwajinga bya mwiulu, ne ntanda yalengelwe ku mema, kufuma mu mema, na jiwi ja Lesa,