Mateo 24:24 - KNTP

²⁴ Mambo kukamweka ba kilishitu ba bubela, ne bangauzhi ba bubela, kabiji bakamwesha biyukilo bikatampe ne bya kukumya, mu kwibatwala mungi basalululwa, umvwe kyakonsheka kuubiwa.

Mateo 24:24 Iomraidhean Croise

Mateo 22:14

Mambo baitwa bo bavula, pakuba basalululwa bo bacheche.”

Mateo 24:11

Kabiji bangauzhi ba bubela bavula bakeya, ne kwibatwala mungi bavula,

Mateo 24:22

Kabiji aa moba inge ne kwiachibako ne, kafwako muntu nangwa umo ukapuluka ne. Pakuba na mambo a basalululwa bakeachibako aa moba.”

Mateo 24:25

Umvwai! Nemubuujila jimo.”

Mateo 24:31

Kabiji ukebatuma bamalaika banji na jiwi jikatampe ja ntolompita, ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Mateo 24:5

Mambo bavula bakeya mu jizhina jami amba, ‘Amiwa yami Kilishitu!’ Kabiji bakebatwala mungi bavula.

Mateo 7:15

“Jimukai ku bangauzhi ba bubela, beya ko muji mu biseba bya mikooko, kabiji munda mwabo bo bamisuka bakaji.

Mako 13:22

Mambo kukamweka ba kilishitu ba bubela ne bangauzhi ba bubela. Kabiji bakamwesha biyukilo ne bya kukumya, mu kwibatwala mungi basalululwa, umvwe kyakonsheka kuubiwa.

Luka 18:7

Nanchi, aye Lesa kechi ake bachibile nsambu banji boasalulula bamujijila mute ne bufuku, nangwa wabanda kwibakwasha nenyi?

Yoano 4:48

Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”

Yoano 6:37

Bonse bo bampa bataata bo bakeya kwi amiwa, kabiji awa wiya kwi amiwa kechi nkamupange nangwa pacheche ne.

Yoano 6:39

Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako.

Byubilo 20:16

Mambo aye Paulo wafukwiile amba, kechi tupite ku Efisesa ne, poso amba tupitetu ja pa mema pakuba amba akabule kubanda mu Asha, mambo aye waendeshenga amba, inge kyakonsheka juba ja Pentekosta jikamutaine monka mu Yelusalema.

Loma 12:18

Umvwe kyakonsheka kubiwa, monka mwayila bulume bwenu, mwikale mu mutende na bantu bonse.

Ngalatiya 4:15

Lelo kabiji alwa lusekelo lwenu lujipi? Mambo amiwa ne mushimuna namba, inge kyakonshekele kubiwa, inge mwalobwele meso enu ne kumpa amiwa.

2 Timoti 2:19

Nangwa byonkabyo kitendekesho kyakosa kya kwa Lesa kyaikajikwa, kiji na kano kayukilo amba, “Aye Nkambo wayuka banji” kabiji amba, “Bonse bateela jizhina ja Nkambo bafumeko ku bubi.”

1 Petelo 1:5

Anweba mwalamwa na bulume bwa Lesa monka mu lwitabilo lwenu amba, mukamone lupulukilo lwanengezhiwa jimo lukasoloka mu juba jikapelaako.

2 Petelo 3:17

Onkao mambo, anweba batemwe, byo mwayukila jimo bino bintu jimukai, mwakatwalwa mungi na mafunjisho angi a bampupabizhila ne kufuma pomwaina pa kosa.

1 Yoano 2:18

Anweba baana, kino kyo kimye kyapelaako! Kabiji byonka byo mwaumvwine amba anti kilishitu ubena kwiya, ne pano ba anti kilishitu ba mweka kala bavula, po po twayukila namba kino kyo kimye kyapelaako.

1 Yoano 2:22

Nanchi wa bubela ye ng'anyi? Kana bonkaba bakana amba Yesu kechi ye Kilishitu ne. Bano bo ba anti kilishitu, bonkaba bakana Taata ne Mwana.

1 Yoano 5:18

Twayuka namba kafwako wasemwa kwi Lesa utwajijilatu na kulenga mambo ne, mambo aye wasemwa kwi Lesa bamulama, ne aye mubi kechi umuba kintu ne.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.