Mateo 24:15 - KNTP

¹⁵ “Kabiji pa kwikimona akya kya bunya kileeta lonaiko kya ambile Danyela ngauzhi, kasa kyaimana mwazhila” (awa utanga, muleke omvwe!)

Mateo 24:15 Iomraidhean Croise

Mateo 24:16

“Ponkapo aba baji mu Yudea bakanyemene ku mitumba.

Mako 13:14

“Kabiji byo mukamona akya kya bunya kileeta lonaiko kasa kyaimana po kyabula kufwainwa kwimana.” (Awa utanga muleke omvwe!) “Ponkapo aba baji mu Yudea bakanyemene ku mitumba.

Luka 19:43

Mambo moba aka kufikila, balwanyi bobe byo bakalenga nsakwa pangye yobe ne kukuzhokoloka ne kukushinkila konse konse,

Luka 21:20

“Bino byo mukamona Yelusalema kasa bamuzhokoloka ku mazhita, kepo mukayuka amba, lonaiko lwanji ke luji pepi.

Yoano 11:48

Inge twamulekatu byonkabye, bantu bonse bakamwitabila, ne bena Loma basa kukeya na kwitwangata ntanda yetu ne kisaka kyetu pamo!”

Byubilo 21:28

Kasa babijika amba, “Anweba bena Isalela! Tukwashaiko, uno i ye muntu ufunjisha bonse bantu konse kasa etuneena atweba Bayudea, ne Mizhilo nayo, ne pano pantu pamo, kabiji ne kikwabo waletele Bagiliki mu nzubo ya Lesa, ne kuzhilulula pano pantu pazhila.”

Byubilo 6:13

Ponkapo baimikile batumonyi ba bubela ba ambile amba, “Uno muntu kechi uzhikilwa kunena bibi pano pantu pazhila, ne Mizhilo ya Mosesa nayo pamo ne.

Bahebelu 2:1

Onkao mambo twafwainwa kuteshakotu muchima ku abya bintu byo twaumvwine, kuchiina amba twakakumpuka.

Lumwekesho 1:3

Watokwa awa utanga, ne aba bomvwa byambo bya mu uno buku wa bungauzhi, ne kwibikookela abya byanembwamo! Mambo kimye kyafwenya ke pepi.

Lumwekesho 3:22

“Aye uji na matwi, omvwe byamba Mupashi ku bipwilo.”