Mateo 24:14 - KNTP

¹⁴ Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Mateo 24:14 Iomraidhean Croise

Mateo 10:7

Kabiji pa kuya, kasa musapwila amba, bufumu bwa mwiulu bwafwenya ke pepi!

Mateo 18:19

“Kabiji amiwa nemwambila namba, umvwe bantu babiji ba mwi anweba pano panshi baumvwang'ena kintu amba twikilombe, bakebobilakyo kwi Bataata baji mwiulu.

Mateo 24:3

Kabiji byo aikajile pa Mutumba wa olivi, baana babwanga baishile kwi aye kumbaji amba, “Tubuulai bino bintu bikamweka ng'anyi mwaka? Kabiji ng'anyi kayukilo ka kwiya kwenu, ne ka juba jikapelaako?”

Mateo 24:6

Kabiji byo mukomvwa makondo ne nkuwa ya makondo, kechi mukakamwe ne. Mambo bino byafwainwa kumweka, mpelo kasa ikyangye kufika.

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mateo 9:35

Kabiji Yesu wapitang'enenga mu mizhi yonse ikatampe ne icheche, kasa ebafunjisha mu mashinagoga abo, ne kwibasapwila Mambo Awama a bufumu, ne kubuka bikola bya misango yonse ne bulema bwa misango yonse.

Mako 13:10

Ne Mambo Awama afwainwa patanshi kusapwilwa ku mikoka yonse.

Luka 2:1

Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe.

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Luka 4:5

Kepo Diabola wamutwajile ne peulu ne kumumwesha bufumu bonse bwa pano pantanda mu kakimye kacheche.

Byubilo 1:2

kufika ne mu juba joatambwilwe mwiulu, byo apwishishe mu Mupashi Wazhila kwibakambizha batumwa boatongwele.

Byubilo 11:28

Kabiji mwaimene umo jizhina janji Agabusa, ka ambe mu Mupashi amba kukeya kipowe kikatampe kikakumbana pano pantanda ponse. Ne akyo kyaishile mu moba a kwa Kaludiusa.

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

Byubilo 17:6

Kabiji byo babujile kwibatanamo, bakokele Yasona ne balongo bamo bakwabo ku bakulumpe bamuzhi, babijikishe amba, “Bano bakuvumika ntanda baiya ne kuno,

Byubilo 19:27

Bino kampe kechi busendwe bwetu bonka bukasulwa ne, kampepo ne nzubo ya kwa Atemisa, lesa wa mukazhi mukatampe, nayo ikekala ke yatu, ne aye mwine ukapelulwa ne lukumo lwanji lukapwa, yenkaye ye bapopwela bonse bamu Asha ne pano pantanda ponse!”

Byubilo 20:25

Kabiji pano nayuka namba, anweba bonse mo nabapitang'anenga na kusapwila mambo a bufumu, kechi mukamona kilungi kyami jibiji ne.

Loma 10:18

Bino amiwa naipuzha namba, nanchi kechi ba umvwine nenyi? Ee, kine ba umvwine, “Jiwi jabo jakumbana pano pantanda ponse, ne byambo byabo nabyo byafika ne kwapela ntanda.”

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Kolose 1:6

Ao aishile kwi anweba monka mo aikajikilwa pano pantanda kasa apanga bipangwa ne kuya na kunanuka, byo auba ne mwi anweba, kufuma ku juba jitanshi jo mwiomvwine ne kwibuyukisha bupe bwa Lesa kya kine.

Bahebelu 1:6

Kabiji byo a amba na mambo a kuleeta jibiji mubeji wanji pano pantanda, Aye wa amba amba, “Bamalaika bonse ba Lesa bamupopwele.”

Bahebelu 2:5

Lesa kechi wapana ku bamalaika bundamakyalo bwa pa ntanda ipya ikeya, yo tubena kwambaapo ne.

Lumwekesho 14:6

Kabiji namwene malaika mukwabo kasa apita pakachi ka jiulu, kasa aji na Mambo Awama a myaka ne myaka a kusapwila ku bekala pantanda, ne ku mikoka yonse ne ku bisaka byonse ne ku njimi yonse ne ku mitundu yonse ya bantu.

Lumwekesho 16:14

Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.