Mateo 23:8 - KNTP

⁸ Kabiji anweba kechi mutelwe amba ‘Laabi’ ne, mambo mufunjishi wenu umotu, ne anweba bonse mwi balongo na balongo.

Mateo 23:8 Iomraidhean Croise

Mateo 10:25

Kyamuwamina awa ye bafunjisha kufika pa kipimo kya yewa umufunjisha, ne muzha naye afike pamo nobe nkambo yanji. Umvwe bamunenene mwina nzubo amba Belezebuba, kechi bakakizhepo kwibanena ba munzubo yanji nenyi?

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Mateo 23:10

Nangwa kechi mutelwe amba, ‘mufunjishi’ ne, mambo mufunjishi wenu umotu yenka Kilishitu.

Mateo 23:7

ne kwibemuna pa bisankanyi, ne kutelwa ku bantu amba, ‘Laabi.’

Mateo 26:25

Ponkapo Yudasa, yenka aye wamusolwele, wamwambijile amba, “Lelo amiwanyi, Laabi?” Kumvwa aye amba, “Wafikilapotu.”

Mateo 26:49

Ponkapotu byo afikile kwi Yesu ne kumwambila amba, “Mutende Laabi!” Kabiji wamufyompele.

Mako 10:51

Ne Yesu wamwipwizhe amba, “Ikika kyo mwasaka amiwa kwimubila?” Ne mpofu wamukumbwile amba, “Laabi, nasaka namba mmone jibiji.”

Mako 11:21

Ne Petelo wavulukile ne kumwambila amba, “Laabi, talai! Akya kichi kya mukuyu kyo mwafingile kyauma!”

Mako 14:45

Ponkapotu byo afikile waishile kwi aye, ne kumwambila amba, “Laabi!” Kabiji wamufyompele.

Mako 9:5

Kabiji Petelo wamwambijile Yesu amba, “Laabi, pano pantu petuwamina kwikala! Tushimike matente asatu, umo wenu, mukwabo wa kwa Mosesa, ne mukwabo wa kwa Elaija.”

Luka 22:32

Bino amiwa nakulombelela obewa namba, lwitabilo lobe kechi lupwe ne. Ne obewa, pa kwaluluka jibiji, ukoseshe bakwenu.”

Yoano 1:38

Kabiji Yesu byo a futulukile ne kwibamona kasa bamulondela, wibepwizhe amba, “Ikika kyo musaka?” Kumvwa abo amba, “Laabi, (pa kulumbulula ko kuuba amba, ‘Mufunjishi,’) mwikala kwepi?”

Yoano 1:49

Kumvwa Natanela amba, “Laabi, anweba mwi Mwana Lesa; anweba mwi Mfumu wa bena Isalela.”

Yoano 11:8

Baana banji babwanga ba mwambijile amba “Laabi, katataaka Bayudea basakile kwimwasa mabwe, kabiji ke musake kubwelako jibiji?”

Yoano 20:16

Kumvwa Yesu wamwambijile amba, “Maliya!” Ne aye wafutulukile, ne kwamba mu Kihebelu amba, “Laboni!” (Kyalumbulula amba, “Mufunjishi.”)

Yoano 3:2

Uno waishile kwi Yesu bufuku, ne kumwambila amba, “Laabi, twayuka naamba mwi mufunjishi wafuma kwi Lesa. Mambo kafwako wakonsha kuuba bino biyukilo byo muuba anweba ne, poso Lesa uji nanji.”

Yoano 3:26

Kabiji baishile kuji aye Yoano, ne kumwambila amba, “Laabi, awa wajinga ne anweba ku bushiya bwa Yodano, yenkawa ye mwashimwine, pano ubena kubatizha, ne bonse babena kupwila koaji.”

Yoano 4:31

Akwa kunyuma baana banji babwanga bamusashijile amba, “Laabi, jai!”

Yoano 6:25

Kabiji byo bamutaine ku bushiya bwa kizhiba, bamwipwizhe amba, “Laabi, ng'anyi kimye kyo mwaji kwiya kuno?”

Yoano 9:2

Kabiji baana banji babwanga bamwipwizhe amba, “Laabi, ng'anyi walengele mambo, uno nyi, inyi bamusema, byo asemwa na bumpofu?”

2 kolinda 1:24

Kechi na mambo a kuuba amba, tuji na bunkambo bwa pa lwitabilo lwenu ne, twi bamwingilo pamo ne anweba mambo a lusekelo lwenu, byo mwakosela mu lwitabilo.

2 kolinda 4:5

Mambo kechi tusapwila mambo etu atweba bene ne, tusapwila mambo a Kilishitu Yesu namba ye Nkambo, ne atweba twi bakalume benu na mambo a Yesu.

Efisesa 3:15

ko kyatambula jizhina kisaka kyonse kya mwiulu ne kya pano pantanda.

Filemonyi 1:16

Pano kechi pamo nobe kalume ne, poso pamo nobe muntu wakila kalume. Ke mulongo, mutemwe wakilaamo kwi amiwa, pakuba kwi anweba ko kwine, ne kumubiji ne mwi Nkambo.

Yakoba 3:1

Anweba balongo bami, mwi anweba kechi mwikale bafunjishi bavula ne, byo mwayuka amba atweba bafunjishi tukachibilwa bunchiba mambo bwakila mu kukatazha.

1 Petelo 5:3

Nangwa kwibobila bunkambo abo bo bemupa kwibalama ne, poso mwialula anweba bene ke ba kumwenako jitanga.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 22:9

Bino aye wang'ambijile amba, “Kileke! Amiwa ne mukwenu wa mu mwingilo umo pamo ne bakwenu bangauzhi, ne boba balama byambo bya mu ye uno buku. Popwela Lesa!”