Mateo 23:5 - KNTP

⁵ Kabiji mingilo yabo yonse beyuba amba, bebamone ku bantu. Kabiji babayisha mfilaketele yabo, ne kunungulula mikonko ya bivwalo byabo!

Mateo 23:5 Iomraidhean Croise

Mateo 9:20

Kabiji ponkapo, kwaishile mwanamukazhi kunyuma yanji, wajinga na kikola kya kupita mashi myaka jikumi na ibiji, ne aye wakwachile kunsa ya kivwalo kya Yesu.

Luka 16:15

Ne aye wibambijile amba, “Anweba mwi boba bebingisha abo bene ku meso a bantu, bino Lesa wayuka michima yenu. Mambo akya kyanemekwa ku bantu kyokya bunya ku meso a Lesa.”

Luka 20:47

bo bangata mazubo a banabakazhi bafwilwa, ne na mambo a kwimwesha ku bantu amba bawama, balepesha milombelo yabo! Abo bakamona luzhachisho lwakila.”

Yoano 12:43

Mambo batemenwe buneme bwa ku bantu kukila lukumo lwa kwi Lesa.

Yoano 5:44

Nanchi mwakonsha byepi kwitabila, byo mwinemeka anweba bene na bene, ne kusaka buneme bufuma kwi Lesa yenka awa umo ne?

Yoano 7:18

Aye wambila mu luusa lwanji mwine ukeba lukumo lwanji mwine. Pakuba awa ukeba lukumo lwa yewa wamutuma ye wa kine, kechi uji na bujimbijimbi ne.

Filipai 1:15

Kine bamo basapwila Kilishitu mambo a kichima ne lupato, bino bakwabo na muchima wawama.

Filipai 2:3

Kechi mube kintu nangwa kimo mu kwilanguluka anwe bene nangwa mu kwitota kwatu ne, poso na muchima wipelula kasa mulanguluka bonse, pa muntu pa muntu amba, mukwetu wankila mu kuwama.

2 Tesalonika 2:4

Ye wimeena byonse ne kwitumbijika mwine kukila byonse bitelwa bu lesa nangwa bipopwelwa. Kabiji ukekala mu nzubo ya Lesa kasa emweesha amba, yami lesa.