Mateo 23:39 - KNTP

³⁹ Mambo nemwambila namba, kechi mukammona palutwe ne, poso mukambe amba, atotwe awa wiya mu jizhina ja Nkambo.”

Mateo 23:39 Iomraidhean Croise

Mateo 21:9

Ne mabumba atangijileko ne ajinga panyuma, kasa abijika amba, “Hosana kwi Mwana Davida! Atotwe awa wiya mu jizhina ja Nkambo! Hosana ne mwiulu mwine!”

Luka 17:22

Ne aye wibambijile baana banji babwanga amba, “Moba abena kwiya mo mukasaka kumona juba jimo ja Mwana Muntu, kabiji kechi mukejimona ne.

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Yoano 14:9

Kumvwa Yesu wamukumbwile amba, “Nabanda nenu byonkabye, ne anweba Filipa ne kungyuka nenyi? Awa wammona amiwa wamona ne bataata, ne anweba mwa ambilaka amba, ‘Tubulai bashenu’?

Yoano 8:21

Ponkapo Yesu wibambijile jibiji amba, “Amiwa nkafumapo, kabiji mukankeba, bino mukafwa mu mambo enu. Akwa kongya amiwa, anweba kechi mwakonsha kuyako ne.”

Yoano 8:24

Onkao mambo naji kwimwambila namba, mukafwa mu mambo enu inge mwabula kungitabila amiwa amba, yami iye, mukafwa mu mambo enu.”

Yoano 8:56

Shenu Abulahama wasekejile pa kuketekela kumona juba ja kwiya kwami, ne kumona wijimwene, ne kusekela wasekejile.”

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.