Mateo 23:34 - KNTP

³⁴ Byonkabyo talai, nemutumina bangauzhi bami ne bamaana, ne banembeshi, kabiji bamo mukebepaya ne kwibapopa pa misalabu, kabiji bakwabo mukebatutaula mu mashinagoga enu, ne kwibapanga mu mizhi yenu.

Mateo 23:34 Iomraidhean Croise

Mateo 10:23

Kabiji pa kukemupata mu muzhi umo, mukanyemene ku muzhi mukwabo, mambo kine nemwambila namba, kechi mukakumbanye mizhi yonse ya Isalela Mwana Muntu kasa akyangye kwiya ne.

Mateo 13:52

Kabiji aye wibambijile amba, “Byonkabyo banembeshi bonse bo baalula ke baana babwanga mu bufumu bwa mwiulu kyapashang'ana nobe mwina nzubo, usolola bya mu nsabo yanji, bipya ne bya kala.”

Mateo 23:31

Onkao mambo mwishimuna anweba bene amba, mwi baana ba aba baipayile bangauzhi.

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Yoano 16:2

Bakemupanga mu mashinagoga, kine ne juba jibena kwiya jo bakalanguluka bonse bemwipaya amba babena kwingijila Lesa.

Yoano 20:21

Yesu wibambijile jibiji amba, “Mutende ekale ne anweba. Byonka byo bantumine bataata amiwa, ne amiwa nemutuma anweba.”

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 11:27

Kabiji mu onka a moba mu Antioka mwaishile bangauzhi bafumine ku Yelusalema.

Byubilo 12:2

Waipayile Yakoba mulongo wa kwa Yoano na mpoko.

Byubilo 13:1

Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu, ne Saulo.

Byubilo 14:19

Kepo kwaishile Bayudea bamo bafumine ku Antioka ne Ikonyuma, ne byo beaswishishe mabumba, Paulo bamwashile mabwe ne kumukulumwina pangye ya muzhi, balangulukile amba, wafwa.

Byubilo 15:32

Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo.

Byubilo 5:40

Kabiji ne abo bamumvwine. Kabiji byo bebechile batumwa, bebapumine ne kwibakambizha amba, Kechi mukambe mu jizhina ja Yesu ne, ne kwibaleka bebalekele ke baye.

1 Kolinda 2:6

Nangwa byonkabyo twamba bya maana mukachi ka bantu bakoma. Byonkabyo kechi maana a ba pano pantanda ne, nangwa a ba luusa lwa pano pantanda babenakuya na kuzhimang'ana ne.

1 Kolinda 3:10

Monka mwayila bupe bo ampele aye Lesa, amiwa naajile kitendekesho pamo nobe mwine sendwe wayukisha kushimika, kabiji mukwabo naye ushimika ponka. Bino bonse bafwainwa kujimuka byo bashimikapo.

Kolose 1:28

Byonkabyo tusapwila mambo a Kilishitu, kasa tufunda bantu bonse mu maana onse. Namba tufikizhe bantu bonse kasa balumbuluka mwi Kilishitu.

Tesalonika 2:16

Ne kwitukanya atweba kwibambila Bangentila amba bapuluke. Mu kuyuzha kipimo kya mambo abo moba onse. Kabiji kuno kumpelo bukaji bwa malwa bwibafikila.

Bahebelu 11:37

Ba ashilwe mabwe, bachibawilwe bipimvwa na so, batapilwe na mpoko. Bapitang'enenga mu biseba bya mikooko ne bya bambuzhi, bakajilwe, be bamanyikile, ne kwi bayanjisha.

Lumwekesho 11:10

Ne bekala pano pantanda bakasekela ne kusangalala na mambo a abo, kabiji baketumina bya bupe abo bene na bene, mambo bano bangauzhi babiji bamanyikile bekala pano pantanda.