Mateo 23:15 - KNTP

¹⁵ “Malwa enu, anweba banembeshi ne Bafaliseo, ba kamfutumfutu! Mambo mupitang'ana ponse pa mema ne pa ntanda amba twalule umo, kabiji pa kumwalulula mwamulenga ke mwana wa Ngehena, wimukijisha ne anweba bene.”

Mateo 23:15 Iomraidhean Croise

Mateo 23:13

“Pano malwa enu, anweba banembeshi ne Bafaliseo, ba kamfutumfutu! Mambo mwibashinkila bantu ku bufumu bwa mwiulu, mambo kechi mutwela anweba bene ne, nangwa kwibaleka basaka kutwela amba batwele ne.”

Mateo 3:7

Kabiji pa kwibamona Bafaliseo bavula ne Basadusea ke beye ku lubatizhilo lwanji, wibambijile amba, “Anweba kisaka kya milolo! Ing'anyi wimujimuna amba munyeme bukaji bubena kwiya?

Mateo 5:22

Pakuba amiwa nemwambila namba, awa wamubukila bukaji mulongo wanji, aye naye wafwa nao a kuletwa mukije, kabiji awa wa mwambila mulongo wanji amba, wakosama, aye naye wafwa nao a kuletwa mukije kikatampe, pakuba awa wa amba bya kufing'ana wafwa nao a kutayiwa mu Ngehena ya mujilo.

Mateo 5:29

Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne.

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Byubilo 13:10

ne kumwambila amba, “Obewa mwana Diabola, obewa mulwanyi wa bololoke bonse wayula na bujimbijimbi bonse ne bujimuku bonse bwa kuuba bibi, kechi ukaleka kuvulang'anya mashinda aoloka a Nkambo nenyi?

Byubilo 13:43

Kabiji pa kupalang'ana mu shinagoga, bavula Bayudea ne bealula ke Bayudea bapopwela Lesa balondejile ba Paulo ne Banabasa, ne abo bebambijile ne kwibasashijila amba, “Ikajikwai mu bupe bwa Lesa.”

Byubilo 14:19

Kepo kwaishile Bayudea bamo bafumine ku Antioka ne Ikonyuma, ne byo beaswishishe mabumba, Paulo bamwashile mabwe ne kumukulumwina pangye ya muzhi, balangulukile amba, wafwa.

Byubilo 14:2

Pakuba Bayudea bamilengulwila bakolomwene michima ya Bangentila, amba bebatale bibi balongo betu.

Byubilo 17:13

Bino Bayudea ba ku Tesalonika pakumvwa amba Paulo ubena kusapwila mambo a Lesa ne mu Beliya, baishile monka ne kwiavulumuna mabumba ne kwialukusha.

Byubilo 2:10

ne mu Filigya, ne mu Pamfilya, ne mu Ijipita, ne monse mu Libya pepi ne ku Kilene, ne benyi bafuma ku Loma,

Byubilo 6:5

Ne akya kyo ba ambile kibatokeshe ku michima bonse bamu jibumba, kabiji basajile Setepena, muntu wayujile lwitabilo ne Mupashi Wazhila, ne Filipa, ne Polokolusa, ne Nikanola, ne Timona, ne Palamenasa, ne Nikolasa, ye wialwile ke mu Yudea, mwina Antioka.

Ngalatiya 4:17

Abo bantu bakwabo bemusaka na mukoyo, bino kechi mu bintu byawama ne. Bakeba kwimushinkila pangye amba mwi balondele abo.

Ngalatiya 6:12

Bantu bavula basaka kwimukanjikizha amba mutambule mukanda, na mambo a kuchiina kupatwa pa mambo a musalabu wa Kilishitu.

Efisesa 2:3

Motwaikajile kala ne atweba bonse, monka mu bya lwiso lwa buntunshi bwetu. Kasa tuuba bisakasaka mubiji ne muchima, kabiji mu kusemwa kwetu twajinga bafwainwa bukaji pamo ne bonse bakwetu.