Mateo 22:16 - KNTP

¹⁶ Kabiji bamutumijile baana babo babwanga ne bena Heloda, ne kumwambila amba, “Mufunjishi twayuka namba anweba mwi wa kine, kabiji mufunjishatu jishinda ja Lesa mu bukine, kechi muchiina muntu nangwa umo ne, mambo kechi muta muchima ku bilungi bya bantu ne.

Mateo 22:16 Iomraidhean Croise

Mateo 22:24

Ne abo bamwipwizhe amba, “Mufunjishi, Mosesa wa ambile amba, kana muntu wafwa, ne kushapo baana ne, mulongo wanji amuswane mukazhanji, asemenemo mwana wa mulongo wanji.

Mateo 22:26

Ne wa bubiji naye byonkabyo, ne wa busatu naye pamotu, kufikizha ne ku wa butanu na bubiji.

Mateo 26:18

Kumvwa aye amba, “Yainga mu muzhi ku muntu umo, mumwambile amba Mufunjishi wa amba amba, ‘Mwaka wami wafikila kala; monka mu nzubo yenu mo nsakujiila Kijiilo kya Lupitailo na baana bami babwanga?’”

Mateo 26:49

Ponkapotu byo afikile kwi Yesu ne kumwambila amba, “Mutende Laabi!” Kabiji wamufyompele.

Mako 10:17

Kabiji byo ayilenga mu jishinda, kwamunyemejile muntu umo, ne pa kumufukamina panshi, wamwipwizhe amba, “Mufunjishi wawama, nanchi ikika kyo nafwainwa kuuba namba ntambule bumi bwa myaka?”

Mako 12:13

Kabiji batumine Bafaliseo bamo ne bamukipamo kya kwa Heloda kwi Yesu na kumweseka na mepuzho.

Mako 12:14

Kabiji baishile kwi aye ne kwamba amba, “Mufunjishi twayuka namba mwamba bya kine, kwakubula kuta muchima ku bintu bilanguluka bantu. Kabiji kechi mutala ku kilungi kya muntu nangwa umo ne, pakuba mufujishatu bukine bwa Lesa mwayila kyaswa muchima wa Lesa pa bantu. Tubuulai kana kizhila kupana musonko kwi Kesala nyi? Twafwainwa kupana nyi, inyi ne?”

Mako 3:6

Kabiji Bafaliseo balupukile pangye ne ponkapotu bamumvwang'ejile na bena Heloda mwa kumonawina.

Mako 8:15

Ne aye wibambijile amba, “Tekanyai, kabiji jimukai ku mbizho ya Bafaliseo ne mbizho ya kwa Heloda.”

Luka 20:21

Byonkabyo abo bamwipwizhe amba, “Mufunjishi, twayuka byo mwamba ne kufunjisha byaoloka, kabiji kechi mutala ku kilungi kya muntu ne, pakuba kine mufunjisha jishinda ja Lesa.

Luka 7:40

Yesu wamwambijile amba, “Shimona, nji na kintu kyo nasaka kwamba nenu.” Ne aye wakumbwile amba, “Kyambai, mufunjishi.”

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 18:37

Kumvwa Pilato wamwambijile amba, “Nanchi obewa wi mfumu nyi?” Kumvwa Yesu amba, “Anweba mwafikilapotu amba, ‘Wi mfumu.’ O mambo o nasemenwe, ne o naishijile pano pantanda, namba nshimune bya bukine. Ne bonse ba bukine bomvwa jiwi jami.”

Yoano 7:18

Aye wambila mu luusa lwanji mwine ukeba lukumo lwanji mwine. Pakuba awa ukeba lukumo lwa yewa wamutuma ye wa kine, kechi uji na bujimbijimbi ne.

2 kolinda 2:17

Mambo atweba kechi tuji pamo na bamo bavula basulwisha mambo a Lesa amba bamwenemo ne, pakuba atweba twambila mwi Kilishitu konka ku meso a Lesa byambo bibafwainwa bakishinka ne baatumwa kwi Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

2 kolinda 5:16

Byonkabyo pano kechi twakiyuka muntu mu buntunshi ne. Kabiji nangwa twayukile Kilishitu mu buntunshi, pakuba pano kechi twakimuyukilabo ne.

Ngalatiya 1:10

Nanchi pano nasaka namba bantu bantale bulongo nyi, inyi Lesa? Nangwa mbena kukeba kwibatokesha bantu pa muchima nyi? Kabiji inge nkibatokesha bantu pa muchima inge kechi ne kalume wa Kilishitu ne.

Ngalatiya 2:6

Kabiji kwi abo bantangi batumbalala, (kwi amiwa kutumbalala kwabo kechi kyo kintu ne, mambo Lesa kechi utala ku bilungi bya bantu ne), abo bantangi batumbalala kechi bambikijilepo kintu ne.

Tesalonika 2:4

Pakuba tusapwila monka mo twaitabilwa kwi aye Lesa amba, twikale ba ketekelwa mu kusapwila Mambo Awama, imo mo twambila. Kechi mu kutokesha bantu pa muchima ne, kana Lesa yenka weseka michima yetu.

Yakoba 3:17

Pakuba maana afuma mwiulu, patanshi oa wamishatu, kabiji oa mutende, oa kooka, oa peela kusanshijilwa, oa yula lusa ne bipangwa byawama, oa bula misalululo, oa bula bujimbijimbi.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.