Mateo 21:43 - KNTP

⁴³ “Onkao mambo nemwambila namba, Bufumu bwa Lesa bakemwangatabo, bakebupana ku mukoka ukapanga bipangwa byabo.”

Mateo 21:43 Iomraidhean Croise

Mateo 12:28

Amiwa byo mpangamo bademona na Mupashi wa Lesa, nanchi pano bufumu bwa Lesa bwaiya pe anweba.

Mateo 21:41

Abo bamukumbwile amba, “Aba batama ukebonauna kyatama pelu! Ne bujimi bwa ming'anzang'anza ukebushiila bakwabo bakalama, abo bakamupanga bipangwa pa mwaka wabyo.”

Mateo 21:42

Yesu wibambijile amba, “Nanchi kechi mwatangilepo biji mu binembelo nenyi? Amba.” “Jibwe jo basujile bashimika jo jonka jaalukile ke mutwe wa jikonka. Kino kyafumine kwi Nkambo kabiji kyokya kukumya ku meso etu!”

Mateo 21:44

“Awa ukaponena pa jo jino jibwe ukachimauka, pakuba awa ye jikaponena ukavingakanatu.”

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Yoano 3:5

Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.