Mateo 21:29 - KNTP

²⁹ Aye mwananji wakaine amba amiwa ne mwane. Kabiji panyuma walapila, kaye.

Mateo 21:29 Iomraidhean Croise

Mateo 21:28

“Pano anweba mulanguluka amba ka? Muntu umo wajinga na baana babiji babalume, waishile ku mubeji amba mwanami yanga ukengile mu bujimi bwa ming'anzang'anza leelo.

Mateo 21:30

Kabiji waishile ku wa bubiji, wamwambijile muntu mumotu. Aye waitabile amba ee mwane nkambo ngya, bino kuya ne.

Mateo 21:31

Pabano babiji, ng'anyi waubile kyaswa muchima wa shabo?” Kumvwa abo amba, “Mutanshi.” Kumvwa Yesu amba, “Kine nemwambila namba, basonkeshi ne bankende bakemukilaila kukatwela mu bufumu bwa Lesa.

Byubilo 26:20

Bino patanshi natatwile kwibabula bena Damasakasa ne ba ku Yelusalema ne bamonse mu Yudea, ne Bangentila pamo, amba balapile ne kwalulukila kwi Lesa, bobe mingilo yafwainwa lulapilo.

1 Kolinda 6:11

Ne anweba bamo byobyo mwajinga, bino pano bemovwa, bemuzhijika ne kwimubingisha monka mu jizhina ja Nkambo Yesu Kilishitu, ne na Mupashi wa Lesa wetu.