Mateo 21:22 - KNTP

²² Kabiji byonse byo mukasakanga mu lulombelo na lwitabilo, mukebitambula.”

Mateo 21:22 Iomraidhean Croise

Mateo 18:19

“Kabiji amiwa nemwambila namba, umvwe bantu babiji ba mwi anweba pano panshi baumvwang'ena kintu amba twikilombe, bakebobilakyo kwi Bataata baji mwiulu.

Mateo 7:11

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana byawama kwi abo bamulomba nenyi?”

Mateo 7:7

“Lombai, kabiji mukekitambula, kebai, kabiji mukekimona, konkonshai, kabiji bakemushinkwilako.

Mako 11:24

Onkao mambo amiwa nemwambila namba, bintu byonse byo musaka, pa kulomba kasa mwitaba amba, twibitambula, kabiji bikekala ke byenu.

Yoano 14:13

Kabiji byonse byo mukalomba mu jizhina jami, nangwa bya byepi, amiwa nkebyuba, namba Bataata batumbijikilwe mu Mwana.

Yoano 15:7

Inge mwaikala mwi amiwa, ne byambo byami byaikala mwi anweba, lombai kyo musaka nangwa ki ka, kabiji kikemubilwa.

Yoano 16:24

Kala kechi mwalombele nangwa kintu mu jizhina jami ne, lombai kabiji mukatambula, namba lusekelo lwenu lufikile.”

Yakoba 5:16

Byonkabyo isolwelai mambo enu anweba bene na bene ne kwilombelela, mubukiwe. Lulombelo lwa muntu waoloka luji na bulume mu mingilo yo lwingila.

1 Yoano 3:22

Kabiji byonse byo tulomba tutambula kufuma kwi aye, mambo tulama mikambizho yanji ne kuuba byonka bimutokesha pa muchima wanji.