Mateo 20:34 - KNTP

³⁴ Kabiji Yesu, wibobijile lusa, wibakwachile pa meso abo, kabiji ponkapotu ke balabe, ne kumulondela ke bamulondele.

Mateo 20:34 Iomraidhean Croise

Mateo 14:14

Byo afumine mu bwato wamwene jibumba jikatampe, wibobijile lusa, kabiji wibabukile bakolwa.

Mateo 15:32

Kabiji Yesu wibechile baana banji babwanga ne kwibambila amba, “Nejumvwina lusa jibumba, mambo baikala pamo ne amiwa ke moba asatu, kabiji kechi baji na bya kuja ne. Amiwa kechi nasaka kwibemanya sa baji na nzala ne, kuchiina amba, baakatembukila pa jishinda.”

Mateo 20:33

Kumvwa abo amba, “Nkambo, twasaka meso etu alabe.”

Mateo 21:1

Kabiji byo bafikile kwipi na Yelusalema, pakufika ku Betefaji, ku Mutumba wa olivi. Ponkapo Yesu watumine baana babwanga babiji,

Mateo 8:15

Ne aye wamukwachile kuboko, ponkapo ne kikola kyamulekele, ne kwimana waimene ne kwingila ke ebengijile.

Mateo 9:29

Ponkapo wakwachile pa meso abo ne kwamba amba, “Kimumwekele monka mwayila lwitabilo lwenu!”

Mateo 9:36

Kabiji pa kumona jibumba, wibobijile lusa mambo basubakene ne kupelelwa, pamo nobe mikooko yabula kafunga.

Mako 7:33

Ne aye wamutwajile kwapela jibumba bunke bwanji, watwezhezhe minwe yanji mu matwi anji byo ashipile mate wamukwachile pa lujimi.

Luka 18:43

Kabiji ponkapotu aye watambwile meso, kamulondele na kutumbijika Lesa. Ne bantu bonse, pa kwikimona, batotele Lesa.

Luka 22:51

Bino Yesu wa ambile amba, “Byonkabya lekai.” Kabiji aye wakwachile ku kutwi kwa awa kalume ne kumubuka.

Luka 7:13

Ne aye Nkambo byo amwene uno mwanamukazhi, wamubijile lusa ne kumwambila amba, “Kujila ne.”

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

1 Petelo 3:8

Pano kyapelako: anweba bonse ikalai bamuchima umo, ba lusa, batemwang'ana byo muji balongo na balongo, ba michima yanekena, ne kwipelula.