Mateo 20:1 - KNTP

¹ Mambo bufumu bwa mwiulu bwapashang'ana na muntu mwina nzubo wakelejile lukelo na kumona bamingilo ba kwingila mu bujimi bwanji bwa ming'anzang'anza.

Mateo 20:1 Iomraidhean Croise

Mateo 13:24

Kabiji wibatayile ne kishimpi kikwabo amba, “Bufumu bwa mwiulu bwapashang'ana pamo nobe muntu wakushile nkunwa yawama mu bujimi bwanji.

Mateo 13:31

Yesu wibeelele ne kishimpi kikwabo amba, “Bufumu bwa mwiulu bwapashang'ana pamo nobe kajipeke ka masitate, ko atolele muntu, ne kwikabyala mu bujimi bwanji.

Mateo 13:33

Wibatayile ne kishimpi kikwabo amba, “Bufumu bwa mwiulu buji nobe mbizho, yashikwile mwanamukazhi, ne kwiifya mu bunga bwa bipimo bisatu, poso bwatutumuka bonse.”

Mateo 13:47

“Kabiji bufumu bwa mwiulu bwapashang'ana pamo na bukonde, bo bata mu mema, bwakwata misango yonse.

Mateo 20:2

Kabiji byo aumvwang'ene naabo bamwingilo, mu juba jimo ndenali imo, wibatumine mu bujimi bwanji.

Mateo 21:28

“Pano anweba mulanguluka amba ka? Muntu umo wajinga na baana babiji babalume, waishile ku mubeji amba mwanami yanga ukengile mu bujimi bwa ming'anzang'anza leelo.

Mateo 22:2

“Bufumu bwa mwiulu bwapashang'ana na mfumu wateekele kijiilo kya masongola a mwananji.

Mateo 23:37

“Obewa Yelusalema, Yelusalema! Wipaya bangauzhi, ne kwibaasa mabwe aba bo bemutumina! Javula bingi jo nasakile kwibakonkenya baana bobe pamo nobe kyaje ukonkenya twana twanji mwine mu byapi byanji, kabiji anweba kechi mwaswile ne!

Mateo 25:1

“Bufumu bwa mwiulu bwapashang'ana pamo nobe bazhike jikumi, basendele malampi abo, balupukile ke baye na kumutundaila musongoshi.

Mateo 25:14

“Mambo bufumu bwa Lesa buji pamo nobe muntu waimene ne kuya ku ntanda ingi, wibechile bakalume banji ne kwibashiila bintu byanji.

Mateo 3:2

“Lapilai mambo bufumu bwa mwiulu bwafwenya ke pepi!”

Mako 13:34

Kyapasha nobe muntu waya pa lwendo, upana luusa pa nzubo yanji ku bakalume banji, au mwingilo wanji au wanji, ne kukambizha malonda wakulama kibelo kulaba ne kukenkenta.

Yoano 15:1

Amiwa ne mung'anzang'anza wa kine, Bataata bo banjimi.

1 Kolinda 15:58

Onkao mambo, balongo bami batemwe, ikalai bashikamatu, kutelengela ne, kasa mukelwa kwingila kyakosa mwingilo wa Nkambo, byo mwayuka amba, mwingilo wetu wa mwi Nkambo kechi ye watu ne.

Bahebelu 13:21

emupe bintu byonse byawama, mube kyaswa muchima wanji, kasa engila mwi atweba kyonka kyawama ku meso anji, monka mwi Yesu Kilishitu. Kwi aye kwikale lukumo myaka ne myaka! Amena.