Mateo 2:6 - KNTP

⁶ “Kabiji obewa Betelema wa mu kyalo kya Yuda, kechi wi mucheche wa mu binemanga bya mu Yuda ne. Mambo monka mobe mukafuma mfumu, ye ukekala kafunga wa bantu bami bena Isalela.”

Mateo 2:6 Iomraidhean Croise

Mateo 2:1

Kabiji Yesu, byo asemenwe mu Betelema wa mu Yudea mu myaka ya Heloda mfumu, ponkapo Bamaana ba ku musela basolomokele ku Yelusalema

Mateo 28:18

Kabiji Yesu waishile ko baji ne kwibambila amba, “Luusa lonse napewalo, lwa mwiulu ne lwa pano panshi.

Yoano 21:16

Kabiji aye wamwipwizhe ke jibiji amba, “Shimona mwana Yona, wantemwa nyi?” Kumvwa aye amba, “Ee, Nkambo, anweba mwayuka amba amiwa nemutemwa.” Ne aye Yesu wamwambijile amba. “Kalamai mikooko yami.”

Yoano 7:42

Kinembelo kyatongola amba, Kilishitu ye wa mukisemi kya Davida, ukasemwa mu Betelema muzhi wa Davida.”

Efisesa 1:22

Kabiji wibikookesha bintu byonse munshi ya maulu anji, ne kumupana aye amba ekale mutwe wa byonse ku kipwilo.

Kolose 1:18

Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

Bahebelu 7:14

Mambo kyayukanyikwatu bulongo amba Nkambo yetu wasemenwe mu mukoka wa Yuda; kabiji na mambo a uno mukoka Mosesa kechi wa ambilepo nangwa kintu kimo kya bung'anga ne.

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 2:27

Kabiji ukeilama na ndondo ya kapotwe, ukebalalaula byonka byo balalaula bijiilo bya buchimba.

Lumwekesho 7:17

mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”