Mateo 19:23 - KNTP

²³ Ponkapo Yesu wibambijile baana banji babwanga amba, “Kine nemwambila namba, kyakatazha bingi banonshi kutwela mu bufumu bwa mwiulu.

Mateo 19:23 Iomraidhean Croise

Mateo 13:22

Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mateo 18:3

amba, “Kine nemwambila namba, kana anweba kwaluluka ne kwikala pamo nobe twana twa tucheche ne, kechi mukatwele nangwa pacheche mu bufumu bwa mwiulu ne.

Mateo 19:22

Nsongwalume pa kwikyumvwa kino, wafumineko na bulanda mu muchima wanji, mambo aye wajinga na bunonshi bwavula.

Mateo 21:31

Pabano babiji, ng'anyi waubile kyaswa muchima wa shabo?” Kumvwa abo amba, “Mutanshi.” Kumvwa Yesu amba, “Kine nemwambila namba, basonkeshi ne bankende bakemukilaila kukatwela mu bufumu bwa Lesa.

Mateo 5:20

Mambo amiwa nemwambila namba, mukatwela mu bufumu bwa mwiulu inge kyakuuba bololoke bwenu bwakila bololoke bwa banembeshi ne Bafaliseo.

Mako 10:23

Kabiji Yesu watajile konse konse ne kwibambila baana banji babwanga amba, “Kyakatazha bingi banonshi kukatwela mu bufumu bwa Lesa!”

Luka 18:24

Ne Yesu pa kumutala wa ambile na bulanda amba, “Kyakatazha bingi banonshi kutwela mu bufumu bwa Lesa!

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Yoano 3:5

Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne.

Byubilo 14:22

Kasa bakosesha michima ya baana babwanga, ne kwibatundaika kwikala bakishinka mu lwitabilo amba, “Mu bya malwa byavula mo motutwelela mu bufumu bwa Lesa.”

1 Kolinda 1:26

Balongo bami akilangulukai lwito lwenu, kechi bavula baitwa bamaana mwayila buntunshi ne, nangwa bavula ba binemanga ne.

Yakoba 2:6

Pakuba anweba mwamusuula muyanji! Banonshi kechi ibo bemukatazha ne kwimutwala ku bije nenyi?