Mateo 18:7 - KNTP

⁷ Malwa a pano pantanda mambo a bintu bya kwituntulako! Pakuba bya kwituntulako byafwainwa bifikenga, bino malwa anji awa muntu wibileta!

Mateo 18:7 Iomraidhean Croise

Mateo 16:23

Pakuba aye wa alulukile ne kumwambila Petelo amba, “Fuma kwi amiwa Satana! Mambo obewa milanguluko yobe kechi yaimana pa bintu bya Lesa ne, poso ku bya bantu.”

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Mako 13:7

Kabiji byo mukomvwa makondo ne nkuwa ya makondo, kechi mukakamwe ne. Mambo bino byafwainwa kumweka, mpelo kasa ikyangye kufika.

Luka 17:1

Ne aye wibambijile baana banji babwanga amba, “Kechi kyaswishiwa bibwezha mu nyuma bibulenga kufika ne, bino malwa kwiyewa wibileta!

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Byubilo 1:16

“Anweba bakwetu, kyafwainwe kufika akya kinembelo kyo a ambijile jimo Mupashi Wazhila mu kanwa ka Davida, na mambo a Yudasa, yenkaye watangijile bamukwachile Yesu,

1 Kolinda 11:19

Mambo byo kyafwainwa amba ne mepatulo nao ekale mwi anweba, amba balumbuluka basoloke mwi anweba.

1 Timoti 6:1

Aba bonse baji mu kikonkoji kya buzha, balanguluke amba bankambo yabo bafwainwa mushingi yense amba, jizhina ja Lesa ne lufunjisho lwetu kechi binenwe bibi ne.

Titusa 2:5

Bekale ba kwikanya ne balumbuluka, bengila bulongo ku mazubo abo, ba lusa, kasa be banekenena bamwata wabo abo bene, kuchiina amba, mambo a Lesa akanenwa bibi.

Titusa 2:8

Wa byambo bya lumbuluka, bibula kukonsheka kwibizhachisha, amba awa ulengulula amone bumvu pakubula kumona kintu kibi nangwa kimo kya kwitunenenako.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.