Mateo 18:3 - KNTP

³ amba, “Kine nemwambila namba, kana anweba kwaluluka ne kwikala pamo nobe twana twa tucheche ne, kechi mukatwele nangwa pacheche mu bufumu bwa mwiulu ne.

Mateo 18:3 Iomraidhean Croise

Mateo 13:15

Ke pakuba michima ya bano bantu yaluwankana, ne matwi abo ashinka, ne meso abo beazhinzhibika. Kuchiina amba, bakamwesha na meso abo, ne kumvwa bakomvwa na matwi abo, ne kukwatakanya baka kwatakanya mu michima yabo, ne kwaluluka, ne amiwa na kebabuka.”

Mateo 18:2

Ponkapo aye waichile kana kacheche ko ajinga, wikemika ne mukachi kabo

Mateo 18:4

Kabiji awa wipelula pamo nobe kano kaana kacheche, ye yenka mukatampe mu bufumu bwa mwiulu.

Mateo 19:14

Pakuba Yesu wibambijile amba, “Balekai baana ba bacheche beye kwi amiwa, kwibakanya ne mambo bufumu bwa mwiulu bo bwabo baji bibye.”

Mateo 19:23

Ponkapo Yesu wibambijile baana banji babwanga amba, “Kine nemwambila namba, kyakatazha bingi banonshi kutwela mu bufumu bwa mwiulu.

Mateo 5:18

Mambo kine amiwa nemwambila namba, poso jiulu ne ntanda bikapite, kafwako nangwa kajilembo kamo nangwa kakinshabu kamo ka mu mizhilo kakapita ne, poso byonse bikafike.

Mateo 5:20

Mambo amiwa nemwambila namba, mukatwela mu bufumu bwa mwiulu inge kyakuuba bololoke bwenu bwakila bololoke bwa banembeshi ne Bafaliseo.

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:2

“Kabiji byonkabyo pa kupana bya bupe, kechi wimbe ntolompita palutwe yobe byo boba ba kamfutumfutu mu mashinagoga ne mu mikwakwa, amba bantu betutote. Kine amiwa nemwambila namba batambwila jimo mfweto yabo.

Mateo 6:5

“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo.

Mako 4:12

namba, “‘Kumona bamone, bino kumwesha ne. Ne kumvwa bomvwe, bino kukwatankanya ne. Kuchiina amba, bakalulukila kwi Lesa, ne mambo abo akalekelwa.’”

Luka 13:24

“Kosakanai mutwele pa kibelo kyakepa. Mambo bavula, nemwambila namba bakasaka kutwela bino kechi bakakonsha ne.

Luka 22:32

Bino amiwa nakulombelela obewa namba, lwitabilo lobe kechi lupwe ne. Ne obewa, pa kwaluluka jibiji, ukoseshe bakwenu.”

Yoano 1:51

Kabiji wamwambijile amba, “Kine, kine amiwa nemwambila namba, Musakukamona jiulu jashinkuka, ne bamalaika ba Lesa kasa bakanjila ne kwikijila pa Mwana Muntu.”

Yoano 3:3

Kumvwa Yesu amba, “Kine, kine nemwambila namba, inge muntu ne kusemwa jibiji ne, kechi akonshe kumona bufumu bwa Lesa ne.”

Yoano 3:5

Kumvwa Yesu amba, “Kine, kine, nemwambila namba, inge muntu ne kusemwa ku mema ne ku Mupashi ne, kechi akonshe kutwela mu bufumu bwa Lesa ne.

Byubilo 14:22

Kasa bakosesha michima ya baana babwanga, ne kwibatundaika kwikala bakishinka mu lwitabilo amba, “Mu bya malwa byavula mo motutwelela mu bufumu bwa Lesa.”

Byubilo 28:27

Mambo michima ya bano bantu yaluwankana, ne matwi abo ashinka, kumvwa ne, ne meso abo beazhinzhibika. Kuchiina amba, bakamwesha na meso abo, ne kumvwa bakomvwa na matwi abo, kabiji ne kukwatakanya, baka kwatakanya na michima yabo, ne kwaluluka, ne amiwa nkebabuke.”

Byubilo 3:19

Byonkabyo lapilai, ne kwaluluka, mambo enu afuchiwe,

1 Kolinda 14:20

Anweba bakwetu, kechi mwikale banyike mu maana ne, pakuba mu bubi mwikale balukeke, bino mwikale bakoma mu maana.

1 Petelo 2:2

Mwikale nobe twana twalukeke, musake mukaka wa mupashi wawama, emukomeshe mufike ne ku lupulukilo.

2 Petelo 1:11

Mambo mo monka mo kikemupewa kutwela mu bufumu bwa myaka bwa Nkambo ne Mupulushi wetu Yesu Kilishitu.