Mateo 18:12 - KNTP

¹² “Anweba mulanguluka amba ka? Kana muntu uji na mikooko kitoota kimo, palubapo umo, kechi ashe yoya iji makumi atanu na ana ne itanu na ina, kaye mu mitumba na kukeba yewa umo wabuulapo nenyi?

Mateo 18:12 Iomraidhean Croise

Mateo 12:11

Kumvwa aye wibakumbwile amba, “Lelo kuji ng'anyi mukwenu ukekala na mukooko umo, umvwe waponena mu kiimbo mu juba ja Sabado, ukabula kumukwata ne kumutuntulamo?

Mateo 18:13

Kabiji umvwe wamumona, kine nemwambila namba, usekela bingi kukila kusekela kwa yoya ikwabo makumi atanu na ana ne itanu na ina yabula kulubilamo.

Mateo 21:28

“Pano anweba mulanguluka amba ka? Muntu umo wajinga na baana babiji babalume, waishile ku mubeji amba mwanami yanga ukengile mu bujimi bwa ming'anzang'anza leelo.

Mateo 22:42

“Anweba nanchi mulanguluka byepi na mambo a Kilishitu? Ye mwana ng'anyi?” Kumvwa abo amba, “Mwana Davida.”

1 Kolinda 10:15

Mbena kwimwambila byo muji bantu bamaana, bipimai byo naamba.

1 Petelo 2:25

Mambo anweba mwaendelenga kyendeende nobe mikooko yalubilamo, pakuba pano mwabwela kwi Kafunga ne Kalama wa michima yenu.