Mateo 17:18 - KNTP

¹⁸ Ponkapo Yesu wamukainye mudemona ne kufuma wafuminemo, kabiji ponkapo pa kyonkakya kimye mwana wabukilwe.

Mateo 17:18 Iomraidhean Croise

Mateo 12:22

Ponkapo baleetele umo kwi aye, muntu wanonkelwe ku mudemona, wajinga mpofu ne kamaama. Ne aye wamubukile kyakuuba kamaama ka ambe ne kwamba, ne kumona kamone.

Mateo 15:28

Kepo Yesu wamukumbwile amba, “Obewa mwanamukazhi, lwitabilo lobe lukatampe! Kikubilwe kyo usaka.” Kabiji mwananji wapulukile ponkapo mu kyonkakya kimye.

Mateo 17:17

Kabiji Yesu wibakumbwile amba, “Anweba kisemi kyabula lwitabilo kyaluwankana, bimye binga byo nkekala nenu? Bimye binga Byo nkemutekela muchima? Muleetai kwi amiwa.”

Mateo 17:19

Kepo baana babwanga baishile kwi Yesu kwa bunke amba, “Mambo ka o twaji kumukankelwa kumupangamo?”

Mateo 9:22

Kabiji Yesu pa kufutuluka ne kumumona wamwambijile amba, “Mwanami, ikizha muchima, lwitabilo lobe lwa kupulusha.” Ponkapotu mwanamukazhi wabukilwe ke mutuntulu.

Mako 1:34

Ne aye wabukile bavula bakolelwenga bikola bya misango ne misango, kabiji wapangilemo bademona bavula mu bantu. Kechi wibaswishishe bademona amba bambe ne, mambo bamuyukile.

Mako 5:8

Wa ambile byo byo mambo Yesu wa ambile amba, “Fuma mu muntu, obewa mupashi wabiipa!”

Luka 4:41

Ne bademona nabo bafumine mu bantu bavula, kasa babijika amba, “Anweba mwi Mwana Lesa!” Bino aye wibakambizhe ne kwibakanya amba kechi bambe ne, mambo bamuyukile amba ye Kilishitu.

Luka 8:29

Mambo aye wamukambizhe mupashi wabiipa kufumamo mu muntu. Mambo bimye byavula byo kya mukwachilenga, bamulaminenga kasa bamukasa mu minyololo ne mu bikulu ku maulu anji, bino aye wachibawilenga minyololo kabiji watwajilwenga mungye ku mudemona.

Luka 9:42

Byo aishilenga, mudemona wamuponeshe panshi ne kumwalang'anya. Bino Yesu wamukainye awa mupashi wabiipa ne kumubuka mwana, kabiji wamupaine kwi shanji.

Byubilo 16:18

Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.