Mateo 16:21 - KNTP

²¹ Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 16:21 Iomraidhean Croise

Mateo 12:40

Mambo byonka byajinga Yona moba asatu, mute ne bufuku, munda mwa jisabi jikatampe; byo akooba ne Mwana Muntu ukekala moba asatu, mute ne bufuku, munda mwa mushiji.

Mateo 16:22

Ponkapo Petelo wamutwajile kumbaji ne kutatula kumukanya amba, “Nkambo, akyo kizhila! Kechi kikemumwekela ne!”

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 17:12

Kabiji nemwambila namba, Elaija waiya kala, ne kuyuka kechi bamuyukile ne, kabiji bamubijiile monka mwayijile michima yabo. Mo monka ne Mwana Muntu naye waya amone lumanamo kwi abo.”

Mateo 17:9

Kabiji pa kwikila ku mutumba, Yesu wibakambizhizhe amba, “Kechi mubuulepo muntu nangwa umo pa kyo mwamona ne, poso Mwana Muntu akasanguke mu bafu.”

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mateo 26:2

“Anweba mwayuka amba pakupita moba abiji ke Kijiilo kya Lupitailo, ne Mwana Muntu bakamusolola amba bakamupope pa musalabu.”

Mateo 26:47

Byo akyambilenga, talai, Yudasa umo wa mu ba jikumi na babiji, waishile na jibumba jikatampe, jasenda mapoko ne tukonkolo, jafumine ku bang'anga bakatampe ne bakulumpe ba bantu.

Mateo 27:12

Kabiji byo bamushinawijile ku bang'anga bakatampe ne bakulumpe, wazhindaminepotu.

Mateo 27:63

“Mwane nkambo twavuluka byo a ambile awa mujimbijimbi byo akijinga mumi amba, pakupitapo moba asatu ukasanguka.

Mateo 28:6

Kechi uji muno ne. Wasanguka, monka mo a ambijile. Iyai mumone poalaajile Nkambo.

Mako 8:31

Kabiji watatwile kwibafunjisha amba, “Kyamufwainwa Mwana Muntu kumanama byavula ne kumukana ku bakulumpe ne ku bang'anga bakatampe ne ku banembeshi ne kumwipaya, kabiji pakupita moba asatu ukasanguka.”

Mako 9:12

Kumvwa aye wibakumbwile amba, “Kine Elaija wafwainwa kwiya patanshi, ne kubwezha bulongo byonse byo byajinga. Kabiji mambo ka kyanembelwa amba, Mwana Muntu ukamona bya malwa byavula ne kusuulwa?

Luka 17:25

Pakuba patanshi wafwainwa amone bya malwa byavula ne kumukana ku kino kisemi.

Luka 24:46

kabiji wibambijile amba, “Kino byo byo kyanembwa amba, Kilishitu wafwainwa kumona bya malwa ne kusanguka mu juba ja busatu,

Luka 9:31

abo bamwekele mu lukumo kabiji besambilenga na mambo a lufu lwanji, lwajinga pepi kufikizhiwa mu Yelusalema.