Mateo 16:18 - KNTP

¹⁸ Ne amiwa namba, anweba mwi ba Petelo, kabiji pa jonka jino jibwe po nkatunga kipwilo kyami, ne binzhilo bya kalunga kechi bikekishinda ne.

Mateo 16:18 Iomraidhean Croise

Mateo 10:2

Kabiji mazhina a batumwa jikumi na babiji o ano; mutanshi, Shimona, yebateela ja Petelo, ne Andeleo mulongo wanji, ne Yakoba mwana Zebede, ne Yoano mulongo wanji;

Mateo 11:23

Ne obewa Kapenama! Ukasuntulwa kufika mwiulu nyi? Bakakwikizha panshi! Mambo aya mingilo ya bulume yamwekele mwenu, inge yamwekele mu Sodoma, inge ukijipo ne buji leelo!

Mateo 18:17

Kabiji umvwe wakana kwibomvwa, abya kabuule kipwilo, kabiji kana wakana kwikyumvwa kipwilo nakyo, muleke ekale ku meso obe pamotu na Mungentila ne musonkeshi.

Mateo 4:18

Kabiji Yesu byo a sezhezhenga kizhiba kya Ngalilea, wamwene baana bankazhi babiji, Shimona yebateela amba Petelo, ne Andeleo mulongo wanji, kasa bata bukonde mu mema, mambo baingilanga mwingilo wa kukwata masabi.

Mateo 7:24

“Byonkabyo aye umvwa bino byambo byami, ne kwibyuba, bakamupashang'anya nobe muntu wa maana, watungile nzubo yanji pa jibwe.

Yoano 1:42

Ne aye wamuletele kwi Yesu. Ne Yesu wamutajile ne kumwambila amba, “Anweba mwi ba Shimona mwana Yona, musakukateelwa amba, Kefasa.” (Pa kulumbulula ko kuuba amba Petelo.)

Byubilo 2:47

kasa batota Lesa, ne kutalwa bulongo ku bonse. Kabiji ne aye Nkambo wabikilengapo kwi abo pa juba pa juba aba bapulukilenga.

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

Byubilo 8:1

Ne Saulo waitabizhe lufu lwanji. Kabiji pa jonkaja juba kwabuukile lupato lukatampe lwa kwikipata kipwilo kya mu Yelusalema. Ne bonse bapalang'ejile monse mu Yudea, ne mu Samaliya, poso bonka batumwa.

1 Kolinda 15:55

“Obewa lufu, kushinda kobe kuji pi?” “Obewa lufu, lumuna obe uji pi?”

Ngalatiya 2:9

Kabiji abo ba Yakoba ne Kefasa ne Yoano, bonkaba batumbalele amba mapanda, byo bamwene bupe bo napelwe kwi Lesa, amiwa ne Banabasa twapakene naabo maboko a kilujo a lumvwang'ano amba, anweba muyenga ku Bangentila ne atweba tuye ku bamukanda.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Efisesa 5:32

Kino kyafyamika kyo kikatampe, bino naamba mambo a Kilishitu ne a kipwilo.

Kolose 1:18

Aye Kilishitu ye mutwe wa mubiji, kyo kipwilo, ye ntendekelo, ye mubeji wa kusanguka mu bafu amba, mu bintu byonse akekale ke mwine wakilaamo.

1 Timoti 3:15

Namba umvwe nabanda, uyuke mwafwainwa kwikeela bantu munzubo ya Lesa, kyo kipwilo kya Lesa mumi, jo jipanda ne jikonka ja bukine.

1 Timoti 3:5

Mambo umvwe muntu kechi wayuka kulama bamunzubo yanji mwine bulongo ne, akakonshe byepi kulama kipwilo kya Lesa?

Bahebelu 12:28

Onkao mambo twikale ba kusanta byo twatambula bufumu bubula kutenkena, namba tumwingijile Lesa mingilo ya bupopweshi bwaitabilwa, na kumunemeka ne na kumwakamwa;

Lumwekesho 11:15

Ponkapo ne aye malaika wa butanu na bubiji naye waimbile, kabiji kwajinga mawi akatampe mwiulu kasa aamba amba, “Bufumu bwa pantanda bwa aluka ke bufumu bwa Nkambo yetu, ne bwa Kilishitu wanji, ne aye ukekala mfumu myaka ne myaka!”

Lumwekesho 21:14

Kabiji nsakwa ya muzhi yajinga na bitendekesho jikumi na bibiji, ne ponka pa bitendekesho pajinga mazhina jikumi ne abiji a batumwa jikumi ne babiji ba Mwana Mukooko.