Mateo 15:14 - KNTP

¹⁴ “Balekai! Bo bantangi ba bupofu. Kabiji umvwe mpofu atangijile mukwabo mpofu, bonse babiji basakuponena mu kimbo.”

Mateo 15:14 Iomraidhean Croise

Luka 6:39

Kabiji wibatayile ne kishimpi amba, “Mpofu wakonsha kutangijila mpofu mukwabo nyi? Kechi bonse babiji bakaponena mu kimbo nenyi?

Yoano 9:39

Ne Yesu wa ambile amba, “Naishila kuchiba mambo pano pantanda, amba babula kumona, bamone, ne aba bamona, baluke ke bampofu.”

1 Timoti 6:5

ne kupachika kwa bantu ba michima yatama babula bukine, kasa balanguluka amba, munema wa kunemeka Lesa mo mwa kumwena bunonshi.

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

2 Petelo 2:17

Bano o masulo abula mema, ko kamfwa katwalwa ku kipuupu kikatampe; bo balamina kufiita kwa mfishi.

Lumwekesho 19:20

Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.

Lumwekesho 22:15

Pangye ya muzhi paji bakabwa, ne bang'anga ba lubuko, ne ba bulalelale, ne bambanzhi, ne bapopwela bankishi, ne bonse batemwa kwamba ne kuuba bya bubela.