Mateo 15:11 - KNTP

¹¹ Kitwela pa kanwa kechi kimuzhilulula muntu ne, kana kilupuka mu kanwa, kyo kimuzhilulula muntu.”

Mateo 15:11 Iomraidhean Croise

Mateo 15:10

Ponkapo Yesu waichile jibumba ne kwibambila amba, “Umvwai ne kukwatakanya!

Mateo 15:12

Kepo baana babwanga baishile ne kumwambila amba, “Mwayuka amba betuntula Bafaliseo pakumvwa ao mambo nyi?”

Mako 7:15

Kafwako kintu kya pangye ya muntu kitwela munda kyayuka kumuzhilulula ne, pakuba akya kilupuka mukachi ka muchima kyo kimuzhilulula muntu.”

Loma 14:14

Amiwa nayuka, kabiji nayukishatu mwi Nkambo Yesu, namba kafwako nangwa kimo kyabipa akyo kine ne; poso kwi yewa ulanguluka amba, kyabipa, kwi aye yenka kikekala ke kyabipa.

Loma 14:17

Mambo bufumu bwa Lesa kechi buji mu bya kuja nangwa mu bya kutoma ne, poso mu bololoke ne mutende ne lusekelo mwi aye Mupashi Wazhila.

Loma 14:20

Kechi onaune mwingilo wa Lesa na mambo a kajo ne. Kine byonse byawama, bino kyamutamina awa utuntwisha mukwabo nabyo aja.

1 Timoti 4:3

Bo bakanya kusongola ne kwizhijika kajo kamo, koalengele Lesa amba, bekatambule na kusanta abo baitabila ne kuyuka bya bukine.

Titusa 1:15

Ku bamichima yatoka bintu byonse byatoka; pakuba ku batamishiwa kala ne babula kwitabila, kafwako nangwa ka kintu kamo katoka ne, pakuba maana abo ne jiwi ja mu michima yabo byatamishiwa kala.

Bahebelu 13:9

Kechi mutwalwe mungi ku mafunjisho a misango ne misango ne. Mambo kyo kintu kyawama amba muchima bamukoseshe na bupe, kechi na bya kuja ne; mambo abo bateele michima monka kechi bamwenejilemo kintu ne.

2 Petelo 2:18

Mambo, bamba byambo bikatampe byatu, bya kwitota, bebongola bantu babena kupuluka kuboba baji mu bwikalo bwa bulubi.