Mateo 14:3 - KNTP

³ Mambo Heloda wamukwachile Yoano ne kumukasa, wamutayile mu kaleya na mambo Heloda wasongwele Helodiasa muka Filipa mulongo wanji.

Mateo 14:3 Iomraidhean Croise

Mateo 11:2

Aye Yoano pakumvwa mu kaleya mo ajinga mingilo ya Kilishitu, watumineko baana banji babwanga.

Mateo 14:6

Kabiji byo jafikile juba joasemekejilwemo Heloda, mwana wakwa Helodiasa, wamukazhi wazhileenga mukachi, ne kumutokesha pa muchima Heloda.

Mateo 4:12

Kabiji Yesu pakumvwa amba, Yoano uji mu kaleya, Yesu wafumineko ne kuya ku Ngalilea.

Mako 6:14

Ne mfumu Heloda wikyumvwine, mambo jizhina ja Yesu jakumbene konse. Bamo ba ambile amba, “Yoano Mubatishi wasanguka mu bafu, kyo kyo aikeela na buno bulume bubena kwingila mwi aye.”

Mako 6:17

Mambo Heloda mwine watumine miluwe amba bamukwate Yoano, kabiji wamukashile mu kaleya. Mambo Heloda wasongwele Helodiasa muka Filipa mulongo wanji.

Mako 6:19

Kabiji Helodiasa wamubijile mfika, kabiji wasakile kumwipaya, bino wakankelwe.

Mako 6:22

Kabiji mwana wamukazhi wa kwa Helodiasa byo atwelele na kuzha, ne kumutokesha pa muchima Heloda ne benyi banji. Ne mfumu wamwambijile awa kamwale amba, “Ndombe byonse byo usaka, ne amiwa nsakukupa.”

Mako 8:15

Ne aye wibambijile amba, “Tekanyai, kabiji jimukai ku mbizho ya Bafaliseo ne mbizho ya kwa Heloda.”

Luka 13:1

Mu kyonkakya kimye kwajinga bamo bamubujile na mambo abena Ngalilea bamo boavwangile Pilato mashi abo na bitapisho byabo.

Luka 13:31

Pa kyonkakya kimye bamo Bafaliseo baishile ne kumwambila amba, “Fumai kuno, mambo Heloda wasaka kwimwipaya.”

Luka 23:11

Kabiji Heloda ne bashilikale banji bamulengulwile ne kumwendeleka. Kabiji bamuvwikile ne kivwalo kyalezhima, ne kumubwezha kwi Pilato.

Luka 23:7

Kabiji byo ayukile amba, ye wa mu bufumu bwa kwa Heloda, wamutumine kwi Heloda mambo wajinga mu Yelusalema mu oa moba.

Luka 3:1

Mu mwaka wa bujikumi na butanu wa bufumu bwa kwa Tibeliusa Kesala, Pontiusa Pilato kasa aji ndamakyalo wa Yudea, ne Heloda naye kasa aji mfumu wa mu Ngalilea, ne mulongo wanji Filipa naye kasa aji mfumu wa mu kyalo kya Itulea ne Tilakonyitisa, ne Lisanyasa naye kasa aji mfumu mu Abilene,

Luka 8:3

ne Yoana, muka Kyusa, wajinga kalama wa Heloda, ne Suzana, ne bakwabo bavula, bebakwashishenga kufuma mu bya bunonshi bwabo.

Byubilo 12:1

Pa kyonkakya kimye Heloda mfumu wakolomokele kwibamanyika bamo bamu kipwilo.

Byubilo 4:27

Mambo kine monka mu yeuno muzhi, Heloda ne Pontiusa Pilato, ne Bangentila ne bena Isalela, bonse bamubungulukile Yesu wamwingilo wenu wazhila, ye mwashingile manyi.