Mateo 13:8 - KNTP

⁸ Pakuba ikwabo yaponejile mu mushiji wawama, ne kusema yasemene, imo yasemene kitota, imo yasemene makumi atanu na jimo, ikwabo yasemene makumi asatu.

Mateo 13:8 Iomraidhean Croise

Mateo 13:23

Kabiji aba bakushiwa nkunwa ya mu mushiji wawama, bo boba bomvwa mambo, ne kwiakwatakanya, bo bapanga bipangwa kine, umo upanga kitota, mukwabo naye upanga makumi atanu na jimo, mukwabo upanga makumi asatu.”

Mateo 13:7

Ne ikwabo yaponejile mu miba, kabiji miba pa kukoma yatatankenye nkunwa.

Mako 4:20

Ne bantu bakwabo bauba nobe boba bakushiwa nkunwa pa mushiji wawama. Beomvwa mambo ne kwiatambula ne kupanga bipangwa, bamo makumi asatu, bakwabo makumi atanu na jimo, ne bakwabo makumi jikumi.”

Mako 4:8

Ne nkunwa ikwabo yaponejile mu mushiji wawama ne kusema yasemenenga kasa ikoma ne kuya na kuvula, imo yasemene makumi asatu ne ikwabo makumi atanu na jimo ne ikwabo kitoota kimo.”

Luka 8:15

Ne yoya ya mu mushiji wawama, bo boba, pa kwiomvwa mambo, beakwachisha na muchima wawama wa lukookelo, ne abo bapanga bipangwa na butekanye.

Luka 8:8

Ne ikwabo yaponejile mu mushiji wawama ne kukoma yakomene ne kupanga imo kitota kimo.” Byo a ambile bino, ne aye wabijikile amba, “Awa uji na matwi a kumvwa, omvwe!”

Yoano 15:8

Monka mu kino mo batumbijikilwa bataata, pa kupanga bipangwa byavula anweba, byonkabyo mukekala ke baana bami babwanga.

Loma 7:18

Mambo nayuka namba mwi amiwa, kokuuba amba, mu buntunshi bwami, kechi mwaikala nangwa kimo kyawama ne, mambo muchima wa kwikyuba njinanji, bino nkankalwa mwa kwikyubila akya kyawama.

Filipai 1:11

Bwikalo bwenu buyule bipangwa bya bololoke bifuma kwi Yesu Kilishitu mukuleeta lukumo ne lutotelo kwi Lesa.