Mateo 13:57 - KNTP

⁵⁷ Kabiji betuntwile na mambo a aye. Kepo Yesu ebambijile amba, “Ngauzhi kechi wabulwa buneme ne, poso monka mu kyalo kyanji mwine, ne mu nzubo yanji.”

Mateo 13:57 Iomraidhean Croise

Mateo 11:6

Kabiji watokwa awa wabula kumona kya kwituntulako mwi amiwa!”

Mateo 13:58

Kabiji kechi waubileko mingilo ya bulume yavula ne, mambo a milengulwila yabo.

Mako 6:1

Aye wafumineko kabiji wayile ku muzhi wanji, ne baana banji babwanga bamulondejile.

Mako 6:14

Ne mfumu Heloda wikyumvwine, mambo jizhina ja Yesu jakumbene konse. Bamo ba ambile amba, “Yoano Mubatishi wasanguka mu bafu, kyo kyo aikeela na buno bulume bubena kwingila mwi aye.”

Mako 6:3

Nanchi uno kechi ye sendwe wa mbao, mwana Maliya, koloja ba Yakoba, ne Yosesa, ne Yudasa, ne Shimona? Ne banyenga yanji ke tuji naabo monka muno nenyi? Kabiji betuntwile na mambo a aye.”

Mako 6:4

Kumvwa Yesu wibambijile amba, “Ngauzhi kechi wabulwa buneme ne, poso monka mu muzhi wanji, ne mu balongo banji, ne mu nzubo yanji.”

Luka 4:24

Ne aye wa ambile amba, “Kine nemwambila namba, kafwako ngauzhi witabilwa mu muzhi wanji mwine ne.

Luka 7:23

Kabiji watokwa awa wabula kumona kya kwituntulako mwi amiwa.”

Yoano 4:44

Mambo aye mwine Yesu wa ambile amba, “Ngauzhi kechi uji na buneme mu kyalo kyanji mwine ne.”

Yoano 6:42

Ne abo ba ambile amba, “Nanchi uno kechi ye Yesu, mwana Yosefwa nyi? Bashanji ne bainanji twibayuka. Pano wa ambilaka byo byo amba nafuma mwiulu?”

Yoano 6:61

Pakuba Yesu byo ayukile mwine mu muchima wanji amba, baana banji babwanga babena kunyinyita ano mambo, wibambijile amba, “Ano mambo abena kwimutuntwisha nyi?