Mateo 13:46 - KNTP

⁴⁶ kabiji pa kutaana mangalite umo ufwa mutengo wabaya, wakapotesha byonse byo aji naabyo, ne kumupota.

Mateo 13:46 Iomraidhean Croise

Mateo 13:44

“Bufumu bwa mwiulu bwapashang'ana pamo na kintu kyakila buneme kyafyamika mu bujimi, kyoataine muntu ne kwikifya, kabiji monka mu kusekela kwanji kaye na kupotesha byonse byo aji naabyo, amba apotelemo bobwa bujimi.”

Mateo 13:45

“Kabiji bufumu bwa mwiulu bwapashang'ana pamo na muntu mupoteshi, uya na kusaka bamangalite bawamisha,

Mateo 13:47

“Kabiji bufumu bwa mwiulu bwapashang'ana pamo na bukonde, bo bata mu mema, bwakwata misango yonse.

Byubilo 20:24

Pakuba amiwa kechi nataako muchima ku mweo wami nobe kyo kintu kyanema kwi amiwa ne, poso mpwishe kikonkwanyi kyami, ne mwingilo ye natambwile kwi Nkambo Yesu, wa kusapwila Mambo Awama a bupe bwa Lesa.

Ngalatiya 6:14

Bino amiwa, kechi ngikale na kya kwitotelamo nangwa pacheche ne, posotu mu musalabu wa Nkambo yetu Yesu Kilishitu; ku yeo musalabu pano pantanda pangipayilwa amiwa, kabiji ne amiwa nepepayilwa pano pantanda.

Efisesa 3:8

Kwi amiwa yenka mucheeche mwine wa mu bazhijikwa bonse, ko bwapewa buno bupe bwa kusapwila ku Bangentila mambo a bya bunonshi bwa Kilishitu bwabulwa kukonsheka kwibuyuka,

Kolose 2:3

Monka mwi Aye mo byafyamikila bya buneme byonse ne bya milangwe ne bya maana.

Lumwekesho 18:12

bipe bya ngolode, ne bya siliva, ne mabwe a buneme, ne bamangalite, ne kisapi kya linenyi kyawamisha, ne kyachiluluka, ne kya shilika, ne kyachijisha, ne mapulanga a mutengo mukatampe, ne bijilo byonse byalengwa na meno a ba nzovu, ne bijilo byonse byo basonga ku bichi byawamisha, ne bya lubemba, ne bya kapotwe, ne bya mabwe a myalamyala,

Lumwekesho 21:21

Kabiji abya bibelo jikumi na bibiji byajinga bamangalite jikumi na babiji, bibelo byonse byalengelwe na mangalite umo umo. Mukwakwa wa mu muzhi wajinga na ngolode yawamisha nobe kilola.