Biblia Todo Logo
Bìoball air-loidhne

- Sanasan -




Mateo 13:39 - KNTP

39 ne awa mulwanyi wibikushile ye Diabola, kabiji mwaka wa kunowa jo juba jikapelaako, ne ba kunowa bo bamalaika.

Faic an caibideil Dèan lethbhreac




Mateo 13:39
29 Iomraidhean Croise  

Kabiji awa umunena bibi Mwana Muntu, ukalekelwao, pakuba awa umunena bibi Mupashi Wazhila, kechi ukalekelwao ne, nangwa muyino myaka, nangwa mu myaka ikeya.


Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.


Kabiji bantu byo balaajile, mulwanyi wanji waishile, wakushilemo bincha mu kajo, kabiji wafumineko.


Aye wibakumbwile amba, mulwanyi ye wauba bibye, kumvwa bakalume amba, mwasaka tuye tukebisekulemo nyi?


Byonka byo bebibungizha bincha ne kwibisoka mu mujilo, byo bikekala ne mu juba jikapelaako.


Byo kikobiwa ne mu juba jikapelaako, bamalaika bakeya kusalululamo batama mu baoloka,


Kabiji byo aikajile pa Mutumba wa olivi, baana babwanga baishile kwi aye kumbaji amba, “Tubuulai bino bintu bikamweka ng'anyi mwaka? Kabiji ng'anyi kayukilo ka kwiya kwenu, ne ka juba jikapelaako?”


“Mwana Muntu byo akeya mu lukumo lwanji, na bamalaika bonse pamo, ukekala pa jitanda janji ja lukumo,


ne kwibafunjisha balamenga byonse byo nemukambizhizhe. Kabiji talai, amiwa nji nenu moba onse, kufika ne ku juba jikapelaako.”


Kabiji bino bintu bibamwekejile amba bikale ke bya kumwenako bakwabo, kabiji byanembejilwe kufundwa kwetu atweba bo yafikila mpelo ya myaka.


Kabiji nachiina namba, nangwa na kya byepi, michima yenu yakabipishiwa ne kufuma kuyewa muchima umo ne wawama wata kwi Kilishitu, byonka byo amujimbaikile Evwa aye mulolo mu bujimuku bwanji.


Mambo atweba kechi tuji pamo na bamo bavula basulwisha mambo a Lesa amba bamwenemo ne, pakuba atweba twambila mwi Kilishitu konka ku meso a Lesa byambo bibafwainwa bakishinka ne baatumwa kwi Lesa.


Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.


pakuba mu ano moba apelaako wa amba kwi atweba kupichila mu Mwananji. Yeatongwele amba ekale nswanyi wa byonse, kabiji mo mwi aye mo alengejile ntanda.


inge byo byo, kyamufwainwe amba amaname javula kufuma ku ntendekelo ya pano pantanda. Pakuba pano byo kiji bino, kuno kumpelo ya myaka aye wamweka jimo jonka na kufumya bundengamambo na kitapisho kya kwitapisha aye mwine.


Tekanyai, mulabenga ne kukenkenta, mulwanyi wenu Diabola nobe bokwe ubuluma, upitang'ana na kusaka wa kuja.


Kabiji bo bano bo a awile Enoka, wa mukisemi kya butanu na bubiji kufuma kwi Adama amba, “Talai, Nkambo ukeya na biumbi ne biumbi bya bazhila banji


Ne aye nsung'unyi mukatampe waelelwe panshi, yenkaye mulolo wa kala, yebateela amba Diabola ne Satana, mujimbijimbi wa pantanda ponse waelelwe pantanda, ne bamalaika banji nabo baelelwe nanji panshi.


Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.


Ne aye lukinyama wakwachilwe, ne aye ngauzhi wa bubela naye pamo, yenkawa waubilenga biyukilo ku meso anji. Byo ajimbaikilengako aba batambwile kayukilo kayewa lukinyama ne aba bapopwejilenga kipashang'ano kyanji. Abo bonse babiji baelelwe bomi mu kizhiba kya mujilo uteema na kibiliki.


Lean sinn:

Sanasan


Sanasan