Mateo 13:22 - KNTP

²² Ne awa wakushiwa nkunwa ya mu miba, ye yewa umvwa mambo, kabiji bya kutabataba bya pano pantanda, ne bujimbijimbi bwa bunonshi, bipaya aa mambo, ne kupanga bipangwa ne.

Mateo 13:22 Iomraidhean Croise

Mateo 12:32

Kabiji awa umunena bibi Mwana Muntu, ukalekelwao, pakuba awa umunena bibi Mupashi Wazhila, kechi ukalekelwao ne, nangwa muyino myaka, nangwa mu myaka ikeya.

Mateo 13:39

ne awa mulwanyi wibikushile ye Diabola, kabiji mwaka wa kunowa jo juba jikapelaako, ne ba kunowa bo bamalaika.

Mateo 13:40

Byonka byo bebibungizha bincha ne kwibisoka mu mujilo, byo bikekala ne mu juba jikapelaako.

Mateo 13:7

Ne ikwabo yaponejile mu miba, kabiji miba pa kukoma yatatankenye nkunwa.

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 12:21

“Kabiji byo byo aji awa witujila bintu mwine, ne kwikala na bya bunonshi mwi aye Lesa ne.”

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Byubilo 8:18

Kabiji aye Shimona byo amwene amba Mupashi Wazhila upanwa pa kwibatenteka maboko batumwa, waletele mali,

Loma 12:2

Kabiji kechi mwipashang'anyenga na ba pano pantanda ne, poso mwalulukenga ke bangi na kusangulwa kwa michima yenu, namba mukayukenga kyaswa muchima wa Lesa, akya kyawama ne kyaitabilwa ne kyalumbuluka.

1 Kolinda 1:20

Nanchi wa maana uji pi? Munembeshi naye uji pi? Wayukisha kwamba pa bya pano pantanda naye uji pi? Aye Lesa kechi wialula maana a pano pantanda ke bumbulwa maana nenyi?

1 Kolinda 2:6

Nangwa byonkabyo twamba bya maana mukachi ka bantu bakoma. Byonkabyo kechi maana a ba pano pantanda ne, nangwa a ba luusa lwa pano pantanda babenakuya na kuzhimang'ana ne.

1 Kolinda 2:8

Ao maana, kafwako nangwa umo ndamakyalo wa pano pantanda wiayukile ne, mambo umvwe beayukile, inge kechi bamupopele pa musalabu Nkambo wa lukumo ne.

1 Kolinda 3:18

Kabiji muntu nangwa umo kechi ejimbaike mwine ne. Umvwe muntu wa mwi anweba walanguluka amba, ye wa maana a pano pantanda, ekale nobe ke wabula maana, pakuba amba, akekale na maana a kine.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

Ngalatiya 1:4

Ye wipaine mwine na mambo a bubi bwetu, mu kwitupokolola ku bya pano pantanda pa katataka pabiipa, monka mwayila muchima wa Lesa Taata wetu.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

1 Timoti 6:17

Banonshi wibakambizhe amba, kechi bekale na michima ya kwitumbijika ne, nangwa kubiika luketekelo lwabo mu bunonshi bwa pano pantanda ne, kana mwi Lesa, ye witupa bintu byavujisha bya kusekelamo.

2 Timoti 4:10

Mambo Demasa wandeka kala, pa kutemwa bya pano pantanda, waya ku Tesalonika. Kelesense waya ku Ngalatiya, ne Titusa naye ku Dalamatiya.