Mateo 13:11 - KNTP

¹¹ Kumvwa aye amba, “Kya kuyuka byafyamika bya bufumu bwa mwiulu kyapanwa kwi anweba, bino kechi kwi abo ne.

Mateo 13:11 Iomraidhean Croise

Mateo 13:10

Kabiji baana babwanga baishile na kumwipuzha amba, “Lelo mambo ka o mwibambila bantu mu bishimpi?”

Mateo 16:17

Ne Yesu wamwambijile amba, “Mwatokwa anweba ba Shimona mwana Yona! Pakuba kechi buntunshi bwa nyama ne mashi bo bwi musolwelakyo ne, poso Taata uji mwiulu.

Mateo 19:11

Kumvwa aye wibambijile amba, “Kechi bonse bakonsha kwiatambula ano mambo ne, poso bonka bapewao.

Mateo 20:23

Kumvwa aye amba, “Kine mukatoma aka katomeno kontoma amiwa, pakuba kwikala ku kilujo kyami nangwa ku kipiko kyami, kechi kyo kyami kya kupana ne, kyokya bonkaba bo banengezhezhakyo jimo kwi Bataata.”

Mako 10:40

Pakuba kwikala ku kilujo kyami nangwa ku kipiko kyami kechi kyo kyami kya kupana ne, kyokya bonkaba bo banengezhezhakyo.”

Mako 4:11

Ne aye wibambijile amba, “Kwi anweba kimupewa kuyuka akya kyafyamika kya bufumu bwa Lesa, pakuba kwi abo baji pangye byonse biji mu bishimpi,

Luka 8:10

Aye wa ambile amba, “Kwi anweba kimupewa kuyuka byafyamika bya mu bufumu bwa Lesa, bino ku bakwabo biji mu bishimpi, pakuba amba, byobamona kechi bamone ne, ne byobomvwa kechi bomvwishe ne.”

Yoano 6:65

Kabiji wa ambile amba, “Naji kwimwambila namba, kafwako wakonsha kwiya kwi amiwa ne, poso wapewakyo kwi bataata.”

Yoano 7:17

Inge muntu waswa kuuba kyaswa muchima wanji, usakuyuka kufunjisha kwami, kana kwa Lesa, nangwa ng'ambila mu luusa lwami amiwa mwine.

Byubilo 16:14

Ne mwanamukazhi umo jizhina janji Lidiya wa ku Tiyatila, mupoteshi wa kisapi kyachiluluka, aye wapopwelanga Lesa witumvwinenga, ne Nkambo washinkwile muchima wanji amba omvwishe bya ambilenga Paulo.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

Loma 16:25

Pano kwi aye wakonsha kwimukosesha monka mwayila Mambo ami Awama ne kusapwila kwa Yesu Kilishitu, mwayila lumwekesho lwa akya kyafyamikile myaka ya kala.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

1 Kolinda 15:51

Ng'umvwai, nemubuule kyafyamika, bonse kechi tukalaala tulo ne, bino bonse tukalulwa,

1 Kolinda 2:14

Kabiji muntu wabula Mupashi, kechi utambula bya Mupashi wa Lesa ne, mambo kechi byo bya maana kwi aye ne. Kabiji kechi wakonsha kwibiyuka ne, mambo kumvwisha kukebewa na bukwasho bwa Mupashi wa Lesa.

1 Kolinda 2:7

Bino twamba maana a Lesa a mu byafyamika, o afyamikile kala o atongwejile jimo Lesa mu kwituletela lukumo pano pantanda kasa pakyangye kulengwa.

1 Kolinda 4:1

Bino bantu bafwainwa kwitulangulukila amba, bo bakalume bakwa Kilishitu ne bakalama ba byafyamika bya Lesa.

1 Kolinda 4:7

Mambo ng'anyi wakumona amba obewa wakila mukwenu? Kabiji ikika kyo uji naakyo akyo kyo wabujile kutambula? Pakuba umvwe wikitambwile mambo ka kyo witotela nobe wabujile kwikitambula?

Efisesa 1:18

Meso a michima yenu alabe, muyuke mwayila luketekelo lwa lwito lwanji, ne mwayila bunonshi bwa lukumo lwa buswanyi bwanji bwa mu bazhijikwa.

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 5:32

Kino kyafyamika kyo kikatampe, bino naamba mambo a Kilishitu ne a kipwilo.

Efisesa 6:19

Ne amiwa mwine pamo namba, byambo bimpewe amiwa pa kwasamika kanwa kami, mu kwibabuula na kuchinchika akya kyafyamika kya Mambo Awama.

Kolose 2:2

Namba michima yabo itundaikwe bulongo bakwatankane ke umo mu butemwe, kabiji bekale na bunonshi bonse bwa maana a kukwatankanya ne kuyukisha kyafyamika kya Lesa, ye Kilishitu.

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

1 Timoti 3:9

Bafwainwa kulama byafyamika bya lwitabilo na muchima watoka.

Yakoba 1:5

Umvwe mwi anweba muji umo wabula maana epuzhe Lesa, kabiji ukapewao mambo Lesa upana ku bonse kwakubula kushintauka.

1 Yoano 2:20

Pakuba anweba mwashingwa kwi Aye Wazhila, kabiji bonse muji na buyuke.

1 Yoano 2:27

Pakuba akwa kushingwa ko mwatambwile kwi Aye kwaikala mwi anweba, kabiji anweba kechi musaka nangwa umo kwi mufunjisha ne. Bino akwa kushingwa byo kubena kwi mufunjisha mu byonse amba byo bya kine kabiji kechi muji bubela ne, byonka byo kwi mufunjisha. Ikalai mwi Aye.