Mateo 12:41 - KNTP

⁴¹ Banabalume bena Ninevwa bakemana mukije na kino kisemi, ne kwikizhachisha, mambo abo balapijile pa kusapwila kwa Yona, kabiji talai, wamukila Yona uji ponka pano.

Mateo 12:41 Iomraidhean Croise

Mateo 12:39

Kumvwa Yesu amba, “Kisemi kibi ne kya bukende kikeba kiyukilo. Bino kechi kikapewa kiyukilo ne, poso kyonkakya kiyukilo kya Yona, ngauzhi.

Mateo 12:42

Kabiji awa mfumu wamukazhi wa ku kabeta ka ku bulenge ukemana mukije na ba mukino kisemi, ne kwikizhachisha, mambo aye wafumine kwapela ntanda kwiya na kumvwa maana akwa Solomone kabiji talai, aye wamukila Solomone uji ponka pano!

Mateo 12:45

Ponkapo uya nakuletelapo bapashi bakwabo batanu na babiji bamukila mu kubipa, kabiji batwela ne kwikala monka. Ne bwikalo bwapelaako bwa yewa muntu bwakila butanshi mu kubipa. Byo byo kikekala ne kino kisemi kibi.”

Mateo 12:6

Nanchi nemwambila namba, pano ponka po aji umo wakila nzubo ya Lesa.

Mateo 16:4

Kisemi kibi ne kya bukende kikeba kiyukilo. Bino kechi kikapewa kiyukilo ne, poso kiyukilo kya Yona.” Ponkapo wibashiile kaye.

Mateo 17:17

Kabiji Yesu wibakumbwile amba, “Anweba kisemi kyabula lwitabilo kyaluwankana, bimye binga byo nkekala nenu? Bimye binga Byo nkemutekela muchima? Muleetai kwi amiwa.”

Mateo 23:36

Kine nemwambila namba, bino bintu byonse bikekifikila kino kisemi!

Luka 11:32

Banabalume bena Ninevwa bakemana mukije na kino kisemi, ne kwikizhachisha, mambo abo balapijile pa kusapwila kwa Yona; kabiji talai, wamukila Yona uji ponka pano!”

Yoano 3:31

Wafuma kwiulu ye wakila bonse. Wa panshi ye wa panshitu, ne bya panshi byo byo amba, wafuma mwiulu ye wakila bonse.

Yoano 4:12

Nanchi anweba mwakila mushakulu wetu Yakoba, witupele uno mushima nyi? Kabiji aye mwine watomenengamo, ne baana banji, ne banyama banji.”

Loma 2:27

Kabiji abwa bumbulwa mukanda bwa kusemwa naabo umvwe bulama bulongo Mizhilo, kechi bukakuchibila mambo obewa nenyi, obewa uji na buku wa Mizhilo ne kisela kya mukanda, kasa uzhilula Mizhilo?

Bahebelu 11:7

Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.