Mateo 12:36 - KNTP

³⁶ “Kabiji nemwambila namba, byambo byonse byatu byo ba amba bantu, bakebitotolola mu juba ja kije.

Mateo 12:36 Iomraidhean Croise

Mateo 10:15

Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Mateo 11:22

Amiwa nemwambila namba, mu juba ja kije bya malwa, bya bena Tila ne Shidona bikakepako, kechi bikesakana na byenu ne!

Mateo 12:37

Mambo baka kubingisha ku byambo byobe, kabiji ku byonka byambo byobe baka kufwisha nao.”

Loma 14:12

Byonkabyo atweba bonse umo umo tukeambila mambo kwi Lesa.

Loma 2:16

Mu joja juba aye Lesa joakebachibila bantu byafyamika byabo konka kwi Kilishitu Yesu, monka mwayila Mambo ami Awama.

Yakoba 3:6

Kabiji lujimi naye uji nobe mujilo, ntanda ya bubi ya mu bya mibiji yetu ye lujimi, ye utamisha mubiji yense, ne kwambula bwikalo bonse bwa bumi bwetu, kabiji mwine wambulwa ku ngehena.

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.