Mateo 12:34 - KNTP

³⁴ Anweba kisaka kya milolo, mukonsha byepi kwamba byawama byo muji babi! Pakuba monka mo byayujila mu muchima ne kanwa kambila monka.

Mateo 12:34 Iomraidhean Croise

Mateo 12:35

Muntu wawama mu bunonshi bwanji bwawama ulupula byawama; kabiji muntu mubi mu bunonshi bwanji bwatama, ulupula byatama.”

Mateo 15:18

Pakuba kilupuka mu kanwa kifuma mu muchima, akya kyo kimuzhilulula muntu.

Mateo 23:33

Anweba milolo, anweba baana ba balunkungwe, mukapuluka byepi ku lukabisho lwa mu Ngehena?

Mateo 3:7

Kabiji pa kwibamona Bafaliseo bavula ne Basadusea ke beye ku lubatizhilo lwanji, wibambijile amba, “Anweba kisaka kya milolo! Ing'anyi wimujimuna amba munyeme bukaji bubena kwiya?

Luka 3:7

Aye Yoano wiambijile mabumba aishile kwi aye na kubatizhiwa amba, “Anweba kisaka kya milolo! Ing'anyi wimujimuna amba, munyeme bukaji bubena kwiya?

Luka 6:45

Muntu wawama mu butala bwa bya bunonshi bwa mu muchima wanji usolola byawama, ne muntu mubi naye mu bya bunonshi bwanji bubi usolola bibi, mambo kanwa kamba monka mu kuvula kwa biji mu muchima.

Yoano 8:44

Anweba mwi ba kwa shenu Diabola, kabiji musaka kulondela byo asaka aye shenu. Aye wajinga mbanzhi kufuma ku ntendekelo, ne kwikala mu bukine ne, mambo bukine kechi buji mwi aye ne. Byo a amba bubela, wamba bya kwanji mwine. Mambo ye wa bubela, ye shanja bubela.

Efisesa 4:29

Kechi muleke byambo byatama bifume mu kanwa kenu nangwa kimo ne, kana byonka byawama bibakomesha bantu, bibafwainwa mu kyonkakyo kimye, amba bibaleetele bibusa abo bebyumvwa.

Efisesa 5:4

Nangwa bya bunya, nangwa misambo ya kwendalala, nangwa miteleko ibi, abyo kechi byafwainwa ne, kana konka kusanta.

Yakoba 3:2

Mambo atweba bonse tupusa mu bintu byavula. Umvwe muntu wabula kupusa mu byo amba, ao muntu walumbuluka, wakonsha kulama ne mubiji wanji yensetu pamo.

1 Yoano 3:10

Mukino mo mwayukanyikilwa baana ba Lesa, ne baana ba Diabola, bonse babula kuuba bololoke kechi bo bakwa Lesa ne, nangwa aye wabula kutemwa mulongo wanji ne.