Mateo 12:3 - KNTP

³ Kabiji aye wibambijile amba, “Kechi mwatangilepo byaubile Davida, byo aumvwine nzala, ne abo boajinga naabo nenyi?

Mateo 12:3 Iomraidhean Croise

Mateo 12:2

Pakuba Bafaliseo pa kwikimona, ba mwambijile amba, “Talai, baana benu babwanga babena kuuba kyazhila mu juba ja Sabado.”

Mateo 12:4

Byo atwelele mu nzubo ya Lesa ne kuja bashinkwa ba ku meso a Lesa, bazhila kujako nangwa aye, nangwa bo ajinga naabo, poso bonka bang'anga?

Mateo 12:5

Nangwa kechi mwatangilepo nenyi, mu buku wa mizhilo amba, bang'anga baji mu nzubo ya Lesa bazhilulula ja Sabado, kabiji babinga?

Mateo 19:4

Kumvwa aye amba, “Kechi mwatangilepo amba, aye wibalengele ku ntendekelo, wibalengele mwanamulume ne mwanamukazhi nenyi?

Mateo 21:16

Ba mwambijile amba, “Mwaumvwa byo babena kwamba nyi?” Kumvwa Yesu amba, “Ee, nanchi mukyangye kutangapo nyi? Amba, mutunwa twa twanyike ne twana twa lukeke mo mwanengezhiwe kutota?”

Mateo 22:31

Kabiji mwayila kusanguka kwa bafu, kechi mwatangilepo byo emwambijile Lesa nenyi amba,

Mako 12:10

Nanchi kechi mwatangile kino kinembelo nenyi amba, “‘Jibwe jo basujile bashimika jo jonka jaalukile ke mutwe wa jikonka;

Mako 12:26

Kabiji na mambo a lusanguko lwa bafu, nanchi kechi mwatangilepo mu buku wa Mosesa, panembwa na mambo a kipuupu, byo a mwambijile Lesa amba, ‘Amiwa ne Lesa wa Abulahama, ne Lesa wa Izaka, ne Lesa wa Yakoba’ nenyi?

Luka 10:26

Ne aye wamwambijile amba, “Kyanembwa amba ka mu Buku wa Mizhilo? Nanchi mutanga byepi?”

Luka 6:3

Yesu wibakumbwile amba, “Anweba nanchi kechi mwatangilepo byaubile Davida byo aumvwine nzala ne abo boajinga naabo pamo nenyi?