Kabiji umvwe jiso jobe ja ku kilujo jakulengesha kulenga mambo, wijilobolemo ne kwijitaya! Mambo kyakuwamina umvwe kimo kya mubiji wobe kyaonaika, bino mubiji wobe yense kutayiwa mu Ngehena ne.
Nanchi uno kechi ye sendwe wa mbao, mwana Maliya, koloja ba Yakoba, ne Yosesa, ne Yudasa, ne Shimona? Ne banyenga yanji ke tuji naabo monka muno nenyi? Kabiji betuntwile na mambo a aye.”
Ne Shimeona wibapesheshe ne kumwambila inanji Maliya amba, “Uno mwana watongwelwa kupona ne kubuuka kwa bavula mu Isalela, ne kwikala kayukilo kanenwa bibi,
Kabiji muntu wabula Mupashi, kechi utambula bya Mupashi wa Lesa ne, mambo kechi byo bya maana kwi aye ne. Kabiji kechi wakonsha kwibiyuka ne, mambo kumvwisha kukebewa na bukwasho bwa Mupashi wa Lesa.
Kabiji kinembelo kikwabo kyaamba amba, “Jibwe ja kwituntulako ne mukunko wa kwibaponeshako.” Betuntula mambo a kulengulula mafunjisho byonka byo kibatongwejilwe.
