Mateo 11:23 - KNTP

²³ Ne obewa Kapenama! Ukasuntulwa kufika mwiulu nyi? Bakakwikizha panshi! Mambo aya mingilo ya bulume yamwekele mwenu, inge yamwekele mu Sodoma, inge ukijipo ne buji leelo!

Mateo 11:23 Iomraidhean Croise

Mateo 10:15

Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Mateo 16:18

Ne amiwa namba, anweba mwi ba Petelo, kabiji pa jonka jino jibwe po nkatunga kipwilo kyami, ne binzhilo bya kalunga kechi bikekishinda ne.

Mateo 17:24

Kabiji pa kwiya mu Kapenama, batambwilenga musonko wa ku nzubo ya Lesa baishile kwi Petelo, ne kumwipuzha amba, “Mufunjishi wenu kechi usonka musonko wa ku nzubo ya Lesa nenyi?”

Mateo 4:13

Ne pa kufuma mu Nazala, waishile na kwikala mu Kapenama uji ku kizhiba, mu kyalo kya Zebuluna ne Nafitali.

Mateo 8:5

Kabiji pa kutwela mu Kapenama, kwaishile mukulumpe wa bashilikale wamusashijile amba,

Luka 10:15

Ne obewa, Kapenama! Ukasuntulwa kufika mwiulu nyi? Bakakwikizha panshi.”

Luka 14:11

Mambo yense witumbijika ukapelulwa, ne yewa wipelula ukatumbijikwa.”

Luka 16:23

kabiji monka mu Kalunga wainwine meso anji kasa amanama, ne kumona wamwene Abulahama kwalepa, ne Lazalasa mu kyaji kyanji.

Luka 4:23

Ne aye wibambijile amba, muka ng'ambila kino kishimpi amba, “Obewa ng'anga ibuke obewa mwine,” abya byo twaumvwine byo mwaubile mu Kapenama, mwibyube ne muno mu muzhi wenu.

Byubilo 2:27

Mambo anweba kechi mukalekelela mweo wami mu Kalunga ne, nangwa kupana wenu Wazhila amba amone bubole ne.

Byubilo 2:31

Aye, byo amwenejile jimo kino, wa ambile na mambo a kusanguka kwa Kilishitu amba, “Kechi bamushiile mu Kalunga ka bafu ne, nangwa mubiji wanji naye kechi wabolele ne.”

Yuda 1:7

Pamo nobe Sodoma ne Gomola ne mizhi yajinga kubwipi, byo bepanyishetu bene ku bulalelale, pamotu ne bano, ne kulondela bisela bingi. Bebamwesha ke kya kumwenako byo bamona lukabisho lwa mujilo wa myaka.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.

Lumwekesho 11:8

Kabiji mibiji yabo yafwa ikalaala mu mukwakwa wa mu yewa muzhi mukatampe, yebateela mu kifwanyikizho amba, Sodoma ne Ijipita, mo apopelwe ne Nkambo yabo pa musalabu.

Lumwekesho 20:13

Kabiji kalunga kasolwele bafu bajimo. Ne lufu ne kalunga ka bafu byasolwele bafu bajimo. Kabiji bonse bebachibijile mambo monka mwayila byo baubile.

Lumwekesho 6:8

Kabiji namwene mbili watubuluka. Ne aye waikalapo, jizhina janji wajinga Lufu, ne Kalunga ka bafu kamulondejile panyuma. Kabiji bebapele luusa lwa pa lubaji lumo lwa pa lubaji luna lwa pano pantanda, lwa kwipaya na mpoko, ne na nzala, ne na mwalo, ne na banyama bakaji ba pano pantanda.