Mateo 11:2 - KNTP

² Aye Yoano pakumvwa mu kaleya mo ajinga mingilo ya Kilishitu, watumineko baana banji babwanga.

Mateo 11:2 Iomraidhean Croise

Mateo 1:17

Byonkabyo bisemi byonse kufuma kwi Abulahama ne kufika kwi Davida byafika ke bisemi jikumi na bina, kabiji kufuma kwi Davida ne kufika po bebatwajile ku Babilona, nabyo byafika ke bisemi jikumi na bina, kabiji kufumapo bebatwajile ku Babilona ne kufika kwi aye Kilishitu nabyo byafika ke bisemi jikumi na bina.

Mateo 14:3

Mambo Heloda wamukwachile Yoano ne kumukasa, wamutayile mu kaleya na mambo Heloda wasongwele Helodiasa muka Filipa mulongo wanji.

Mateo 4:12

Kabiji Yesu pakumvwa amba, Yoano uji mu kaleya, Yesu wafumineko ne kuya ku Ngalilea.

Mateo 9:14

Ponkapo baana babwanga ba kwa Yoano baishile kuji Yesu ne kumwipuzha amba, “Mambo ka atweba ne Bafaliseo tuzhikilwa na nzala javula, pakuba baana benu babwanga kechi bazhikilwa na nzala ne?”

Mako 6:17

Mambo Heloda mwine watumine miluwe amba bamukwate Yoano, kabiji wamukashile mu kaleya. Mambo Heloda wasongwele Helodiasa muka Filipa mulongo wanji.

Luka 3:19

Kabiji aye Yoano wamulengulwile Heloda mfumu na mambo a kwa Helodiasa, muka mulongo wanji, ne na mambo a bintu bikwabo byavula byatama byo aubile Heloda.

Luka 9:7

Kabiji Heloda mfumu waumvwine byonse bya mwekelenga, ne aye wa lubankene maana, mambo kya ambiwenga ku bamo amba Yoano wasanguka mu bafu,

Yoano 4:1

Bafaliseo ba umvwine amba, aye Yesu ubena kulenga ne kubatizha baana babwanga bavula kukila Yoano,