Mateo 10:8 - KNTP

⁸ Kabukai bakolwa, kasangulai bafu, kabukai bambumba, kapangaimo bademona mu bantu. Mwatambulatu, panaitu.

Mateo 10:8 Iomraidhean Croise

Mateo 10:1

Kabiji wibechile baana banji babwanga jikumi na babiji ko aji, ne kwibapa luusa lwa kupangamo bapashi babipa, ne lwa kubuka bikola bya misango yonse ne bulema bwa misango yonse.

Mateo 10:7

Kabiji pa kuya, kasa musapwila amba, bufumu bwa mwiulu bwafwenya ke pepi!

Mateo 10:9

Kechi mwikebele mali nangwa a ngolode, nangwa a siliva, nangwa a mukuba a mu bikwama byenu ne;

Mako 16:18

bakashikula milolo, kabiji nangwa batoma bya bulembe kechi bikebalengela kukolwa ne; kabiji bakabiika maboko abo pa bakolwa, ne abo baka bukiwa.”

Luka 10:9

Kabukai bakolwa baji mu yewa muzhi ne kwibambila amba, ‘Bufumu bwa Lesa bwafwenya pepi ne anweba.’

Byubilo 3:6

Pakuba Petelo wa ambile amba, “Siliva ne a ngolode kechi nji nabyo ne, pakuba kyonji naakyo, nsakwimupa. Mu jizhina ja Yesu Kilishitu mwina Nazala, imanai mwende.”

Byubilo 4:30

Mutanyike kuboko kwenu ne kwibabuka bantu, kabiji ne biyukilo ne bya kukumya byubiwe mu jizhina ja wamwingilo wenu wazhila Yesu.”